Тешкстазель, ютазь иень невтевкстнэнь коряс топавтозь весе тевтне, конат аштить мусульмантнэнь духовной управлениянть икеле.
Ледстясынек, республикань Прявтось эрьва иень Кучомасонть башка мель явсь семиянь институтонь лездамонтень ды духовно-нравственной питнейчитнень кемекстамонтень.
Раиль Асаинов евтнесь, региононь муфтиятось арси топавтомс ламо межнациональной ды межконфессиональной проектт, истя жо Рузонь православной церькованть марто вейсэ. Истя, Сафаргалиевской Ловноматнень лувсо, конат ютавтовить Саранскойсэ сы иень панжиковсто, ветяви раськеютконь конференция. Сон алтави семиянь свалшкань питнейчитненень.
Мордовиянь Прявтонтень невтезель Мордовиянь прявтошсо кавто покш мероприятиятнень ютавтомань лувось: Рамадан Иневанькс ковстонть республикань ифтарось ды «Кубок Священного Рамадана» раськеютконь футболонь турнирэсь.
Кортамось истя жо мольсь мусульмантнэнь духовной управлениянть МР-ва УФСИН-нть марто вейсэнь тевдеемадонть.
Мордовия Республикань Прятонь пресс-службась