Мордовия Республикань инвестициянь картась – те геоинформационной система региононь инвестициянь ды социально-экономической мельстуемань невтеманть коряс. Тей пурназь кулятне инвестиционной площадкатнень, инженерной инфраструктурань объекттнэнь, преференциальной зонатнень, государственной лезксэнь тевтнень, транспортной инфраструктурань объекттнэнь коряс ды ламо мезе лия.
Мордовия Республикань инвестициянь картась путозь ссылканть коряс: https://map.investrm.ru/maps.
Республикань Прявтось тешкстызе, картась кармазо вадря инструментэкс инвестортнэнь туртов, сонзэ эряви свалшкане пештемс неень шкань кулятнесэ, истя жо теемс мобильной устройстватнень туртов. Эрявикс кармавтомат максозь Экономикань, микшнемань ды предпринимательствань министерствантень, конась вети те важодеманть.
Ледстясынек, Мордовиясь совась масторонь васенце регионтнэнь юткс, косо тевс нолдазь региононь инвестициянь стандартось.
Мордовия Республикань Прявтонь пресс-службась