Ацамковонь 19-це чистэ Мордовиянь Прявтось вастовсь героенть тетянзо-аванзо Сергей Николаевичень ды Лариса Владимировнань марто, максызе тенст Мужествань Орденэнть, конасонть куломадонзо мейле казезь сынст цераст.
«Роман Сергеевичень кувалма каштанчи кирди весе республикась. Те покш емавкс минек туртов. Покш сюкпря тенк истямо церанть трямонзо-кастоманзо кисэ», – мерсь Артём Здунов тетянтень-авантень награданть максомсто.
Роман Крашенинников служась парашютно-десантной полксо, разведротасонть сонензэ максозель боевой снайперэнь квалификациясь, те иень эйзюрковсто кучозель СВО-нь таркантень. Роман чавовсь Херсонской областесэ боевой тевень топавтоманть пингстэ. Командованиясь ды боевой ялганзо кортасть эйстэдензэ кода покш опыт марто профессионалдонть ды кемевикс боевой ялгадонть, конась свал аноколь самс лездамо. Сонензэ ульнесь 28 иеть...
Романонь лелязо истя жо сюлмизе эрямонзо военноень тевенть марто. Служась Грознойсэ, эзь кадово ве ено спецоперациянть эйстэ.
Чачома масторонтень служамонтень цератнень бажамось максовсь тенст тетяст пельде. Сергей Николаевич ламо иеть служась внутренней тевень органтнэсэ, аволь весть ульнесь командировкасо. СВО-нь ютавтомань ушодовомсто Свято-Предтеченской обществань казакось Сергей Крашенинников «Ермак-15» казачьей отрядонь взводонь командирэкс улемстэ топавтсь боевой тев украинань националисттнэнь а нолдамонть коряс. Лариса Владимировна свал ульнесь кемевикс тылэкс мирдензэ туртов, кастась церат, конат кармасть невтемакс од ломантнень туртов.
Чаень симемстэ кортасть мобилизаваннойтненень лездамодонть ды од ломантнень патриотизмань лувсо кастомадост.
Вастовомасонть истя жо ульнесь Саранскоень ды Мордовиянь митрополитэсь Зиновий. Сон мерсь: «Эрьва ломанесь, конась стясь эсь масторонь идемань кинтень, кандови минек Отечествань Иневанькс ванстыцятнень юткс. Тынк церанть коряс ледстнематне ванстовить пингеде пингес».
Мордовия Республикань Прявтонь пресс-службась