Таштамковонь 20-це чистэ Мордовиянь Прявтось Артём Здунов ульнесь те кевкстемантень алтазь кругловой столенть важодемасонзо. «Минь аволь васенцеде теде кортатано. Маряви, институттнэнь, инфраструктурань, теемась, федеральной покш лезксэсь витьсызь весе кевкстематнень, ансяк эрямосонть лиси седе стака», – тешкстызе республикань руководителесь.
Мордовиянь Прявтось евтынзе од ломантнень марто важодемань прявт енкстнэнь. «Сехте шождась ды лезэвесь – те совавтомс од ломантнень вейсэнь мероприятиятнес. Вана ней минь лездатано СВО-нь участниктнень семиятненень – рамсетяно ярсамопельть, пачтятано гуманитарной сталмот. Од ломантнеяк тенесэ лездыть, минь сынст нейтяно», – мерсь сон.
Омбоце лувось – наставничествань институтонь кемекстамось. Тесэ, кода тешкстызе Артём Здунов, минек улить касомань башка резерват. Республикань руководителесь тешкстызе, од ломантнень туртов пек вадря наставникекс аштить спортонь тренертнэ. Секскак эряви, штобу од ломантне аволизь кадо спортонь секциятнень сень пингстэяк, бути сынст невтевксэст пек васолот покш изнявкстнэнь спортонть эйстэ.
Од ломантнень марто важодемань прявт енксось – те Васенцетнень движениясь. Эйкакштне, конатне ардтнить региононь томбалев федеральной эрьва кодат проекттнэсэ улеманть туртов, велявтомсто, полавтовить вадря енов: кармить седе эрязат, путыть эсест икелев покш тевть. Карматано бороцямо минек од ломантнень кисэ, сынь кадовост истят жо ероковокс», – мерсь Мордовиянь Прявтось.
Семинарсонть кортасть эрьва кодат енкстнэнь коряс эксперттнэ. Кортамось истя жо мольсь эрямонь стака шкас понгозь кемгавксово иеде седе вишкинетнень марто важодемадонть. «Отцы России» общественной движениянь активистэсь Арутюн Арутюнян явсь башка мель эйкакштнень кастомань-превс путомань тевентень цератнень совавтомантень – те кевкстемась пек эрявикс, эрямось невти, кода аволь шожда эрси «сеземс тетятнень дивантнэнь лангсто».
Семинарсонть кемекстазь мель поладомс вейсэнь важодеманть округонть уровнясо сехте лезэв практикатнень максоманть коряс.
Мордовия Республикань Прявтонь пресс-службась