Артём Здунов тешкстызе: вейкеть мель эряви явомс кода специальной военной операциянь участниктненень, истя жо эрьва иетнестэ боевой тевдеематнень ветерантнэнень, кить ружия марто ванстсть Тиринь масторонь мельтнень-ванновтнень. «Кудоютконь кевкстематнень витемадо башка илядо стувтне тердемс минек ванстыцятнень ды сынст семиятнень кенярксчинь мероприятиятнес, культурань, спортонь, общественной ды тонавтомань - сыненст ули мезе ёвтнемс, мезес тонавтомс, максомс сехте виде кучомат минек од ломантненень», - тешкстызе республикань Прявтось.
Вастовоманть прядовомга Артём Здунов явшесь казнеть.
Россиянь Федерациянь Президентэнть Указонзо коряс воинской долгонть топавтомсто невтезь мужестванть, отваганть ды а пелемачинть кисэ Жуковонь медальсэ казезь специальной военной операциянь участникесь Алексей Смирнов.
Воинской долгонь топавтомсто кемечинть, апелемачинть ды весе вийтнень максоманть кисэ Мужествань орденсэ (куломадонзо мейле) казезь специальной военной операциянь участникесь Сергей Аброськин. Казнесь максозь сонзэ нинтень.
Мужествань орденсэ (куломадонзо мейле) казезь специальной военной операциянь участникесь Алексей Еркин. Казнесь максозь сонзэ патянстэнь.
Ушманонь долгонь топавтомсто кемечинть, апелемачинть ды весе вийтнень максоманть кис «За отвагу» медальсэ (куломадонзо мейле) казезь специальной военной операциянь участникесь Дмитрий Кузовчиков. Казнесь максозь сонзэ тетянстэнь.
Воинской долгонь топавтомсто кемечинть, апелемачинть ды весе вийтнень максоманть кисэ Жуковонь медальсэ (куломадонзо мейле) казезь специальной военной операциянь участникесь Алексей Козин. Казнесь максозь сонзэ аванстэнь.
Краснослободской енксонь прявтонть, спецоперациянь ветеранонть Иван Волков марто Артём Здунов кортась муниципалитетсэнть китнень строямонь, социальной енксонь виевгавтомань кевкстематнеде, общественной проекттнэде.
Мордовия Республикань Прявтонь Пресс-службась