Марина Владимировна ды Юрий Александрович кастыть кото эйкакшт. 2021 иестэ Марина Буерина казезь Ламо эйкакшонь авань III степенень почетонь дипломсо. Тедеде Буеринтнэ изнясть «Семья года» республикань пелькстамонь «Многодетная семья» номинациясонть, ульнесть «Семья года-2023» весероссиянь пелькстамосонть. Мордовиянь Прявтонть марто вастовомась лиссь лембе. Мирдть-нить евтнесть: кудось уш строявсь, сон лиссь вадря ды истямо покш, натой вишка эйкакштне аволь чуросто налксить тесэ футболсо. Семиянь прявтось евтнесь, эйкакштне спортонь вечкицят, тонавтнить вадрясто – покш цераст Степан налкси хоккейсэ ды тонавтни налксеме баянсо, 12 иесэ Варварань улить изнявксонзо художественной школасо, кемень иесэ Лиза марто вейсэ сынь яксить каратэв. Патятненень вейсэндявсь вете иесэ Родион. Артём Здунов казсь тензэ оска. Марина Владимировна мерсь, райцентрасонть строязь од школа, вадря эйдень кужо, эйкакшонь площадка марто од скверэсь – пек эряви эрицятнень туртов, седе пек ламо эйкакшонь семиятнень. Вастовоманть прядовомга Буеринтнэ тердизь Артём Здуновонь инжекс – од кудос, эйкакштненень явшевсть казнеть Мордовиянь Прявтонть пельде, сынст ютксо од иеньгак – кенярксчись аволь васоло!
Мордовия Республикань Прявтонь пресс-службась