Мордовиянь Прявтось Артём Здунов тешкстызе: Президентэнть Владимир Путинэнь кармавтоманзо коряс масторсонть моли спецтранспортонь одкстомтомась, сынст ютксо скорой помощенть, коммунальной службатнень, вирень ванстоманть туртов. Одкстомтови автомобилень паркось виень структуратненьгак.
«Вневедомственной охранась – республикань правань ванстомань системасонть сехте покш, – мерсь Артём Здунов. – Тынк тевдеемась лезды а нолдамс покш зыянтнэнь. Кадык од техникась карми служамо ломантнень лезэс ды шождалгавтсы тынк важодеманк».
МР-ва прявт федеральной инспекторось Анатолий Гулин евтась поздоровт Росгвардиянь сотрудниктненень покш тевенть кувалма, евтась сюкпря республикасонть ды СВО-нь зонасонть служамонть кисэ.
Кода тешкстызе МР-ва Росгвардиянь Управлениянь прявтось Андрей Каринкин, од техникась вадря ды анок важодемантень. «Транспортонь те пачтямось кармась сехте редявиксэкс 2016 иестэнть саезь», – тешкстызе сон.
Артём Здунов ды Андрей Каринкин ваннызь од автомобильтнень.
Мордовия Республикань Прявтонь пресс-службась