Мордовиянь Прявтось тешкстызе АПК-нь эрявиксчинть региононь экономиканть туртов ды велень хозяйствань производствасонть касовкстнэнь ванстомань сехте неень шкань методтнэнь тевс нолдамонь эрявиксчинть.
«Август» компаниясь - Россиянь касовкстнэнь ванстомань химической средстватнень тевс нолдамонть анокстамонь, производствань ды технологической сопровождениянь коряс прявт налксицятнестэ вейкесь, сонзэ филиалтнэ важодить масторонь ламот регионтнэсэ, истя жо Мордовиясо.
Кода тешкстызе МР-нь велень хозяйствань ды продовольствиянь министрань тевтнень топавтыцясь Сергей Канаев, республикань производительтне парсте содасызь предприятиянь продукциянть, улить арсемат вейсэнь важодеманть келейгавтомга.
Компаниянь важодемась кеместэ сюлмавозь научной ванноматнень -тонавтнематнень ды важодевкстнэнь марто - те ёнкссонть моли вейсэнь важодемась Н.П. Огарёв лемсэ МГУ-нть марто. Кода тешкстызе вузонь ректорось Дмитрий Глушко, те вейсэнь тевдеемань енкстнэ пек келейть, сынст ютксо научной ды лабораторной инфраструктуранть тевс нолдазь вейсэнь ванноматнень ютавтомась.
Мордовия Республикань Прявтонь Пресс-службась