Евтан тенк седейшкавань поздоровт профессиональной кенярксчинть кувалма!
Тынк прявт тевесь – ванстомс Россиянь национальной мельтнень-ванновтнень ды сэтьмечинть. Тынь честь марто топавтадо Чачома масторонть икеле долгонть, а нолдатадо минек масторонть ды сонзэ эрицятнень каршо зыянов тевтнень топавтоманть, бороцятадо экстремизманть ды экономической преступлениятнень каршо. Тынк важодемась аволь свал неяви, ансяк сон пек эряви минек государствантень. Течи, те аволь шожда шкастонть, тынк лангсо ашти пек покш ответственность.
Безопасностень Федеральной службань Мордовиянь управлениясонть важодить покш профессионалт. Сынь анокт куш кона шкасто топавтомс сехте стака тевтнень. Сюкпря минек ламо раськень региононь сэтьмечинь топавтомантень, коррупциянь а нолдамонтень, тиринь Мордовиянть ды сонзэ эрицятнень лезэс важодемантень покш путовксонть кисэ.
Седейшкава арсян тенк кеме шумбрачи, паро эрямо ды изнявкст службасо!
Мордовия Республикань Прявтось А. Здунов