«Единой Россиянь» Генсоветэнь секретаресь Андрей Турчак Саранскойсэ якась «Высота» Тонавтнемань куншкакуронтень ды «Защитники Отечества» фондонь филиалонтень

«Единой Россиянь» Генсоветэнь секретаресь Андрей Турчак Саранскойсэ якась «Высота» Тонавтнемань куншкакуронтень ды «Защитники Отечества» фондонь филиалонтень

Федеральной инжетнень делегациясь, конат састь Мордовияв важодемань содавтома марто, Мордовиянь Прявтонть Артём Здунов марто якась Советской Союзонь Героенть М.П. Девятаевень лемсэ «Высота» 15№ Тонавтнемань куншкакуронтень. Сон важоди цела чинь школанть лувсо. Те аволь ансяк общей образования, истя жо дополнительной – спортонь секцият ды енкстнэнь коряс кужот, театрань ды киштемань студият, «Высота» туристэнь клуб, школань театра. Дополнительной занятиятнесэ покш классо тонавтницятненень мереви виевгавтомс ерокчист сы шкань профессиянть туртов. Инжетненень невтизь классонть, косо эйкакштне тонавтнить од енксонтень – беспилотниктнень ветямонтень, истя жо спортонь залонть, косо эйкакштне якить самбос «Самбо в школу» федеральной проектэнть лувсо. Теде башка, ульнесть школань столовойсэнть, косо эйкакштнень тетяст-аваст евтнесть седе, кода тонавтнемань заведениясонть топавтови школасо андомань проектэсь.

Андрей Турчак кирдизе меленть ютавтомс Саранскойсэ «Высота» Тонавтнемань куншкакуросонть весероссиянь форум свалшкань семиянь ды нравственной питнейчитнень кирдеманть ды ванстоманть коряс.

Роман Романов, «Мир возможностей» мобилизационной партийной проектэнь координаторось,  «Центр поддержки общественных проектов «Сделаем вместе» АНО-нь генеральной прявтось ды Мордовия Республикань образованиянь министрась Елена Солдатова ютавтсть панжадо урок «Семейные и духовные традиции» весероссиянь од акциянь топавтоманть лувсо. Эйкакштнень марто кортамось лиссь мельстуицякс.

Инжетне истя жо якасть Саранскойсэ «Защитники Отечества» государственной фондонь филиалонтень. Республикась кармась васенце регионтнэстэ вейкекс, косо сон панжовсь. Мордовиясь истя жо сеске ушодызе важодеманть велявтыця боецтнэнь диспансеризациянть коряс.

Республикань Прявтось Артём Здунов тешкстызе: специальной военной операциянь участниктнень кирдемань кевкстематне аштить регионсонть властень весе уровнятнень башка ванновт ало. Прявт тарка те важодемасонть саи «Защитники Отечества» Государственной фондонь филиалось. Сонзэ панжовома шкастонть саезь тей пшкадсть  уш 7 тежадо седе ламо ломанть - боевой тевдеематнень ветерант, СВО-нь участникть  ды сынст семиянь члент. Эрьва семиянть коряс теезь социальной паспорт, кемекстазь социальной важодиця. Те лезды явомс весемеендонь социальной лезкс, витемс лисиця стакачитнень, медицинань реабилитациянь ды важодемань таркатнень муемань коряс кевкстематнень. «Минек воинтнэнень ды сынст семиятненень лездамонь коряс важодеманть ветятано свалшкань лувсо, бажатано лездамс эрьва пшкадицянтень. Минек вейсэнь тевесь – СВО-сто велявтыця цератнень совавтомс эряза эрямонтень, теемс условият сынст профессиональной тонавтоманть, одс анокстамонть туртов», – мерсь Артём Здунов.

Мордовиясь аноксты эсензэ лия енов а молиця решеният. Стратегической инициативатнень агентстванть марто вейсэнь тевдееманть вельде республикасонть топавтови проект, конань вельде кастови реабилитациянь доступностесь СВО-нь участниктнень туртов, конат эрить велетнесэ, истя жо ветяви пшти ваннома сынст пшкадемаст топавтоманть мельга. Те муниципальной районтнэсэ «СВО-нь участникень чинь ютавтомась», тов тердевить социальной важодицят, психологт, юрист, истя жо СВО-нь участниктнень ды сынст семиятнень марто важодемань коряс цифровой од сервисэсь. 

Мордовия Республикань Прявтонь пресс-службась