Мордовия Республикань Прявтонть Владимир Волковонь лемс сась сёрма Саранскоень эрицянть Татьяна Константиновна Смолькинань пельде. Сёрмасонть кортави:
«Мельвановикс Владимир Дмитриевич! Мон аштинь Саранскоень 4№ РКБ-нть те иень аштемковонь 5-це чистэ саезь 19-це чинть видьс COVID-19 коронавирусонь инфекция диагнозонть марто. Ней, зярдо зыянось уш удало ды шумбрачись вадрялгадсь, эсень ды весе семиям пельде (авам ды мирдем истя жо аштесь больницясо теке орманть марто) ёвтатанок сюкпря 4№ РКБ-нь прявт врачонтень – Бурлаков Александр Петровичнень, вадря руководителентень, конась пурнась перьканзо покш квалификациянь врачт, кода лия енов а молиця вейкине мехаизма, конань прявт тевезэ - республиканть туртов те стака шкастонть ломантнень эрямост идемась. Тешкстаса, больницясонть улить эрявикс лекарстват, тантейстэ андыть, сехте прявтось – покш мель явить сэредицятненень. 11-це ды 15-це отделениянь медицинань персоналонь мелень явомась лездасть тенек лецявомс. Максодо покш питне Александр Петровичень важодемантень!»