Тиринь масторонть ванстомась – минек масторонь эрьва эрицянть ине долгозо сонзэ историянь весе шкатнестэ. Минек солдаттнэнь весе шкатнестэ ды поколениятнестэ свал вейсэндясть доблестесь, а пелемась ды героизмась.
Мемориалонтень цецят путсть Мордовия Республикань Прявтось Артём Здунов, Краснослободской муниципальной райононь прявтось, специальной военной операциянь участникесь Иван Волков, специальной военной операциянь участникесь, мемориалонь авторось Павел Серёгин, специальной военной операциянь маштовозь участникенть авазо Валентина Саулина.
Артём Здунов панжомань церемониясонть кортамсто тешкстызе, мемориалось ашти сехте виде таркасонть: Ине Отечественной войнань иетнестэ маштовозетненень кеврунгонть вакссо, храмонть маласо, косо мереви озномс маштовозь воинтнэнь кисэ ды сеттнень шумбрачист кисэ, кить поладыть ванстомо минек Отечествань суверенитетэнть. «Течи мартонок - минек од ломантне: кадеттнэ, юнармеецтнэ. Ды те пек эрявикс: эдь прявтось - те ледстнемась, конань минь кадсынек сы шкань поколениятненень. Сетнеде ледстнема, кить ванстсть минек масторонть локальной аладямотнень шкастояк, Северной Кавказсо ды Афганистансо контртеррористической операциятнень ютавтомстояк», - мерсь Мордовиянь Прявтось.
Краснослободской райононь руководителесь Иван Волков лемдизе мемориалонь панжоманть муниципалитетэнть туртов редявикс ды умок учовиця тевекс: «Те мелень явома сетненень, кить путызь пряст минек масторонть кисэ. Те мемориалонть лангс минек изнямодонть мейле тешкставить весе маштовозь воинтнэнь лемест. Изнямось карми минек!»
«Сюкпря, кемиде кармамс мемориалонь теицякс. Минек виесь-минек вейсэндявомасонть! Вейсэ минь изнятано!» - мерсь специальной военной операциянь участникесь Павел Серёгин.
«Авань томбавозь седеесь верьгеди эрьва минутасто. Ды муи оймавтома ансяк сеньсэ, што минек цёранок аштить свалшкань эрямосо - менелень воинствасо. Минь кирдтяно каштанчи эсенек цёратнень кувалма! Сынь честь марто топавтызь эсь долгост. Валдо ледстнема Россиянь кемевикс цёратненень! Сюкпря весенень, кить лездасть мемориалонть теемасо», - мерсь чавовозь боецэнть авазо Валентина Саулина.
Геройтнень ледстизь чатьмонемань минутасо.
Мордовия Республикань Прявтонь Пресс-службась