Те чистэнть Мордовиянь Прявтось, «Единая Россия» партиянь региононь отделениянь Секретаресь Артём Здунов макссь ушодкс «Ромашка желаний» паронь теемань акциянтень - сон аравтозь военнослужащейтнень семиятненень лездамонтень. Тешксэнь пейделькань эрьва лопинесь - кинь-бути покш мелезэ, вишка бажамозо.
«Единая Россия» партиянь акциясь карми ютамо вейке ковонь перть, сонзэ участникекс кармить республикань сядодо седе ламо семият. Ютавтовить эйкакшонь культурань ламо мероприятият - весемесь сень туртов, штобу Отечествань ванстыцятнень семиятне марявольть мелень явома.
Пейделькань лопиненть лангсо, конань сезизе Артём Здунов, ульнесь Чекашкинтнэнь ламо эйкакшонь триця семиянть мелезэ.
«Топавтано семиянть энялдоманзо - молемс «Россия» кинотеатрантень! Тынь содатадо, сон минек одкстомтозь Культурань ушодкстнэнь Президентэнь фондонть вельде. Тейсынек те содавтоманть мельстуицякс! Инеськеть, садо! Мельтне-арсематне топавтовить!» - мерсь Мордовиянь Прявтось.
Мордовия Республикань Прявтонь Пресс-службась