Ютасть вейке чи ды ве «Лидеры России» пелькстамонть лангс сёрмадстоманть ушодовомадонзо мейле. Те шканть перть максозь пек ламо яволявтомат – 24 тёжадо ламо ломанть тешкстызь сёрмадстомань форманть сайтсэ, те седе ламо ютазь иенть коряс.
«Лидеры России» проектэнь ветицясь, «Россия – страна возможностей» АНО-нь генеральной прявтось, РАНХиГС-нь проректорось Алексей Комиссаров тешкстызе: «2017-2018 иетнестэ пелькстамонтень максозельть малав 200 тёжат яволявтомат. «Лидеры России» омбоце пелькстамонтень сонзэ ушодовомадонзо мейле весемезэ вейке чинь-вень перть уш максозь 24 тёжадо ламо яволявтомат Россиянь эрьва кодат регионтнэстэ ды весе масторлангонть келес. Пелькстамонть лангс сёрмадстомась панжадо октябрянь 24-це чинть видьс, ды минь учотано, яволявтоматнеде кармить седе ламо ютазь иенть коряс. Эштё весть ледстяса, тедеде минь максынек башка возможность ломантненень «Лидеры России» пелькстамосонть улеманть туртов: ней максомс яволявтомат мереви омбо масторонь эрицятнененьгак, конат вадрясто содасызь рузонь келенть, истя жо управленецтнэнень, конатненень 55 иеде аволь седе ламо. Теде башка, 35 иеде седе одтнэнень саты руководствань кавто иень опытэсь. Тердян весе а пелиця, ёроков ды од тевтнес бажиця ломантнень невтемс эсь маштомачист пелькстамосонть!»
Неень шкантень Россиянь участниктнень ютксо яволявтомань максомань коряс васенце таркасо Центральной федеральной округось (37,4%). Мейле молить Равчирень (14,2%), Северо-Западонь (13%), Сибирень (10%), Уралонь (9,8%), Югонь (8,7%), Дальней Востоконь (3,7%), Северэнь Кавказонь (3,14%) округтне.
Пелькстамонть лангс сёрмадстомась панжадо октябрянь 24-це чинть видьс.
Яволявтоманть мереви максомс пелькстамонь сайтсэнть: https://лидерыроссии.рф/
Кулянь справкась:
«Россия – страна возможностей» Автономной аволь коммерческой организациясь (АНО-сь) кемекстазь РФ-нь Президентэнть Владимир Путинэнь указонзо коряс 2018 иень маень 22-це чистэ. Организациянть прявт тевензэ: социальной мобильностень кастоманть, эрицятнень личностень ды профессиянь маштомачист невтеманть туртов условиятнень теемась, истя жо Россиясо лезэнь кандыця социальной лифтнень теемась.
«Россия – страна возможностей» АНО-сь касты-кепети истямо жо лем марто платформанть, топавты зярыя проектт: «Лидеры России» управленецэнь пелькстамонть, «Я — профессионал» студентэнь олимпиаданть, «Мой первый бизнес» Раськеютконь пелькстамонть, «Доброволец России» Весероссиянь пелькстамонть, «Профстажировки» проектэнть, «Грантовый конкурс молодежных инициатив», МСП-нь Бизнес-навигатортнэнь Порталонть, «РДШ — территория самоуправления» пелькстамонть, «Абилимпикс» инвалидность марто ломантнень ютксо профессиональной ёрокчинь коряс пелькстамотнень, «Управляй!» студенттнэнь ютксо менеджментэнть коряс Кубоконть, «Благодарю» сюкпрянь ёвтамонь акциянть, «Молодые профессионалы (Ворлдскиллс Россия)» профессиянь ёрокчинь чемпионатонть.
Седе домка куля максозь официальной сайтсэнть: лидерыроссии.рф.