Мордовиянь Прявтось Артём Здунов коень коряс прими участия акциясонть. Ацамковонь 19-це чистэ сон вастовсь Саранскойстэ 14 иесэ Никита марто. Сон пек арсесь электрогитаранть кувалма. Никита пек вечксы музыканть, ды ули мелезэ тонавтнемс налксеме те инструментсэнть.
«Мельтнень эряви топавтомс!» – мерсь Артём Здунов, казненть максомсто.
Никита тонавтни Саранскоень вейке школасонть, вадрясто содасы школань программанть, покш мель яви шахмататненень – аволь весть кармакшнось Мордовиянь чемпионокс.
Чаень симемстэ Артём Здунов кортась Никитань ды сонзэ аванзо Мария Александровнань марто. Церынькась евтызе региононь руководителенть эште вейке бажамозо – кармамс врачокс. Истямо вадря мелесь – идемс ломантнень эрямост – истя жо топавтовозо.
Мордовия Республикань Прявтонь пресс-службась