2017 иень февралень 27-28-це читнестэ Сочинь Олимпийской парконь Прявт медиацентрасонть ютавтови Россиянь инвестициянь форумось, конанть важодемасо прими участия Мордовия Республикань делегациясь.
Сочинь инвестициянь форумось - Россиянь инвестициянь ды экономикань потенциалонь невтемань площадка. Мероприятиясь ютавтови Россиянь Федерациянь Правительствань Председателенть Д.А.Медведевень пингстэ, Форумонь операторокс карми «Росконгрессэсь».
Форумонь участниктне кортасызь Россиясо молиця тевтнень, Россиянь Федерациянь субъекттнэнь ды муниципальной образованиятнень экономикань потенциалонь кастомань ёнкстнэнь, Россиянь ды омбо масторонь инвестортнэнь туртов инвестициянь сынст маштомачист.
Форумсонть Мордовия Республикань делегациянь прявтокс кармить МР-нь Правительствань Председателенть полавтыцянзо - МР-нь Промышленностень, наукань ды од технологиятнень министрась Александр Седов ды МР-нь Торговлянь ды предпринимательствань министрась Дмитрий Иванов.
Мордовиянь делегациясь прими участия промышленной политикань, монооштнень виевгавтомань, социально-экономической виевгавтомань территориятнень теемань, важодемань лезэвчинь кастомань, развитиянь институтнэнь вейсэнь важодемань, вишка ды средней, истя жо од ломанень предпринимательствантень лезксэнь явомань, эсенек масторонь туризманть виевгавтомань кевкстематненень алтазь площадкатнесэ.