Мельвановикс соотечественникть! Ёвтан тенк поздоровт Мордовия Республикань Конституциянь Чинть кувалма!
1995 иень сентябрянь 21-це чись – республикань неень шканть историясо пек редявикс дата. Те чистэнть ютавтовсь Конституционной Собраниясь, косо примазель Мордовиянь од Конституциясь.
Правовой прявт документэнь ладямось, конась кемекстынзе региононь общественной эрямонь, сонзэ социально-экономической касомань-кепетемань прявт принциптнень, мольсь Россиянть ды минек республиканть туртов пек стака шкатнестэ. 90-це иетнень ушодовомсто Мордовиясь печтясь экономикасо, социальной ды общественной сфератнесэ кризис. Эрямось вешсь курок шкань ды покш полавтомат ды, васняяк, государственной властень органтнэсэ.
1995 иень сентябрясь кармась покш важодемань ушодксокс, конась эскельксэнь эскелькс топавтовсь меельце иетнестэ. Самай сестэ, Конституциянь проектэнть анокстамсто ды, седе пек, весе эрицятнень марто сонзэ ванномсто-кортамсто, кемекставсть ды виевгавтовсть минек республикасо конструктивной весе вийтне.
Уш сестэ тешкстазельть республиканть икеле аштиця прявт тевтне, конат чарькодевикст эрьва эрицянть туртов. Те – тиринь Мордовиянть вельмевтемась, Россиянь Федерациянь субъекттнэнь ютксо тензэ вадря тарканть максомась.
Неень шкань Мордовиясь – те эрязасто виевгадыця, инновациянь регион, косо ули неень шкань социальной инфраструктура, экономикань ды социальной виевгавтомань темптнень коряс васенцетнень ютксо. Редявикст изнявкстнэ наукасо, промышленностьсэ, образованиясо, здравоохранениясо, культурасо ды спортсо. Маласо иетнес минек прявт тевенек – Мордовиянь ломантнень эрямост вадрялгавтомась, сэтьмечинть ды эрицятнень праваст ванстомась.
Кеман, вейсэ минь топавтсынек икеленек путозь весе тевтнень, ванстозь, теке эсенек сехте покш питнейчинть, общественной согласиянть, ламо раськетнень ютксо сэтьмечинть ды политикань стабильностенть.
Седейшкава арсян тенк, Мордовиянь вечкевикс эрицят, шумбрачи, уцяска, паро эрямо, сэтьмечи ды весе паронть!
Мордовия Республикань Прявтось В.Д.Волков