Мордовиянь почтань связень мельвановикс важодицят ды ветерант! Ёвтан тенк седейшкавань поздоровт профессиянь кенярксчинть – Россиянь почтань чинть кувалма!
Коммуникациянь технологиятнень свалшкань виевгавтоманть лангс апак вано, почтась ашти эрицятнень ютксо сюлмавомань прявт ёнксокс.
Почтась пачти газетатнень ды журналтнэнь, сёрматнень ды телеграмматнень, почтанть вельде лия кучовкстнэнь, ярмаконь ютавтоматнень ды пенсиятнень, топавты тень шкастонзо, те тевдеемась седеяк редявикс течи, зярдо минь весе вейсэ бороцятанок коронавирусонь инфекциянть каршо. Тынь анокстыде республикань эрицятнень туртов важодемань дистанционной ёнкст, од сервист, конатне лездасть ванстомс тынк важодемань качестванть течинь аволь шожда шкастонть. Те пек питней!
Башка мель явови велень почтань отделениятненень, те – сехте эрявикс услугатнень явома тарка. Кеман, Мордовиясо седе товгак кармить панжовомо од форматонь почтань отделеният, посылкань саемань ды максомань таркат, одкстомтови технической базась ды автопаркось.
Региононь почтань сферань весе неть изнявкстнэ топавтовсть зярыя тежат важодицятнень тевдеемаст вельде. Ёвтан тенк сюкпрянь валт ломантненень мелень явоманть ды кочказь профессиянтень кемевиксчинть кисэ!
Сюкпрянь башка валт ёвтан отраслянь ветерантнэнень, кить ванстыть ламо иень койтнень ды пачтить од ломантненень содамочитнень ды маштомачитнень.
Седейшкава арсян тенк важодемасо изнявкст, шумбрачи ды паро эрямо!
Мордовия Республикань Прявтось В.Д.ВОЛКОВ