Сентябрянь 20-це чистэ Мордовиянь Правительствань Председателень тевтнень топавтыцясь Владимир Сушков, Республикань Прявтонть Владимир Волковонь кармавтоманзо коряс, ютавтсь промкс 2018 иестэ Футболонь коряс масторлангонь чемпионатонть ютавтомсто сэтьмечинь ванстомань кевкстематнень коряс.
Промкссонть ульнесть республикань исполнительной властень органтнэнь, Саранск ошонь админстрациянь, виень структуратнень, «FIFA-2018» футболонь коряс масторлангонь чемпионатонь оргкомитетэнь прявттнэ, истя жо Россиянь Федерациянь национальной гвардиянь Сибирень округонь войскатнень офицертнэнь группась, округонь командующеень полавтыцянть, генерал-майоронть Игорь Водопьяновонь прявтсо.
Кортамось мольсь сеть кевкстематнеде, конат токшить Саранскойсэ футболонь коряс масторлангонь чемпионатонь матчтнень ютавтомаст пингстэ общественной сэтьмечинть ванстоманть.
Кемекстазь договоренность республиканть ды Росгвардиянь подразделениятнень вейсэнь важодемадост.
Владимир Сушков ды Игорь Водопьянов ёвтасть кемема, те вейсэнь важодемась карми виевекс ды лезды вадрясто вастомс ды ютавтомс Мордовиянь прявтошсо масторлангонь чемпионатонь матчтнень.
Мордовия Республикань Правительствань пресс-службась