Сёрмасонть кортави:
«Мельвановикс Владимир Дмитриевич!
Санкт-Петербургонь Правительстванть ды Петербургонь весе эрицятнень пельде ёвтан тенк седейшкавань сюкпря минек ошсонть лисезь зыянонть редямонзо, минек туртов стака шкастонть кирдемань лембе валтнэнь кисэ.
Ацирьгавтыця, аволь ломанень преступлениясь сезинзе мейсэяк а чумот ломантнень эрямост. Метросо сезевемасонть маштовсть ды томбавсть Петербургонь, Россиянь лия региононь, омбо масторонь эрицятне, эрьва кодамо раськень, вероисповеданиянь, конфессиянь ломантне. Терроризмась а соды границят. Те минек вейсэнь сэредькс.
Минь макстано покш питне Тынк участиянтень ды солидарностентень, минек марто ёмавксонь стакачинть явомань анокчинть кисэ.
Кеман, ансяк вейсэндямось лезды тенек лезэвстэ бороцямс те зыянонь кандыця кеженть марто ды свалшкас изнямс сонзэ.
Санкт-Петербургонь Губернаторось Г.С.Полтавченко".
Ледстясынек, апрелень 3-це чистэ Санкт-Петербургонь метросо сезевемасонть томбавсь Мордовиянь эрицясь Дмитрий Глазков.
МР-нь Прявтонь тевтнень нурька шкас топавтыцясь ёвтась од ломанентень ды сонзэ семиянтень мелявтомань валт ды кемекстась решения явомс Дмитрийнень материальной лезкс.