Мордовиянь Прявтонь тевтнень нурька шкас топавтыцясь Владимир Волков ёвтась поздоровт «Мордовия» ХК-нь ВХЛ-нь пелькстамосонть медальтнень саемаст коряс

«Мордовия» хоккеень клубось изнизе «Тамбовонть» ВХЛ-нь пелькстамосонть бронзань медальтнень кисэ матчсэнть. Минек спортсменттнэ сеске сыргасть каявомас, ды куроксто явовсь Игорь Чуканов. Омбоце периодсонть икелев молеманть покшолгавтызе Максим Ахметзянов, ансяк тамбовонсетнень пельде шайба чавсь Пукс. Оймсемантень командатне тусть 3:1 минек лезэс счётонть марто. Колмоце периодсонть командатне чавсть шайбань-шайба, счётось кармась 4:2 «Мордовиянть» лезэс.

Матчсонть ульнесь Мордовиянь Прявтонь тевтнень нурька шкас топавтыцясь Владимир Волков. Налксеманть прядовомадонзо мейле сон вастовкшнось хоккеистнэнь марто ды ёвтась тенст поздоровт изнямонть ды ВХЛ-нь пелькстамосонть бронзань медальтнень саемаст коряс.