Мордовиянь Прявтонть поздоровонзо Скиатлононь коряс юниортнэнь ды од ломантнень ютксо Масторлангонь первенствасонть изницянтень Анастасия Седованень

 Мордовиянь Прявтонть поздоровонзо Скиатлононь коряс юниортнэнь ды од ломантнень ютксо Масторлангонь первенствасонть изницянтень Анастасия Седованень

Мельвановикс Анастасия!

Ёвтан седейшкавань поздоровт Тыненк ды тынк тонавтыцянк туртов Швейцариясо юниортнэнь ды од ломантнень ютксо сокссо ардтнематнень коряс масторлангонь первенствасонть сырнень казненть кувалма.

Сокссо ардтнематне течи – республиканть туртов спортонь перспективной ёнкс. Кеман, тынк пек вадря выступлениясь максы вийть минек спортсментнэнень сы шкань изнявкстнэс, терди массовой ды профессиянь спортонтень од талантт. Кенярдовты, казнень меельце таркатне истя жо Россиянь эрицятнень кедьсэ – почётонь пьедесталонь омбоце таркасонть Наталья Непряева, колмоце тарканть саизе Яна Кирпиченко. Истя, содавикс пелькстамотнень весе пьедесталонть саизь Россиянь тейтертне.

Уш курок весе республикась карми ванномо тынк выступлениянк мельга Южной Кореясо телень Олимпиадасонть. Арсян тенк вадрясто невтемс прянть ды идемс минек масторонь честенть! Самай теде кортась Россиянь Президентэсь  Владимир Владимирович Путин, зярдо кортась спортсментнэнь икеле.

Мордовия Республикань Прявтось В.Д.ВОЛКОВ