Мордовиянь Прявтонть В.Д.Волковонь Культурань важодицянь чинть кувалма поздоровонзо

Мордовиянь культурань мельвановкс важодицят ды ветерант! Ёвтан тенк седейшкавань поздоровт профессиональной кенярксчинть кувалма!
Маштомачись, энтузиазмась ды эсь тевентень певтеме вечкемась аштить тынк важодемань юрокс, кандыть покш смусть Мордовиянть ды Россиянть течинь ды сы шкань эрямонтень.
Эсенк важодемасонк тынь ванстадо свалшкань питнейчитнень - тиринь келень ды литературань покшчинть, лездатадо виевгавтомс минек региононь духовной сюпавчинть.
Течи Мордовиясь ловови Россиянь культурань содавикс куншкакурокс. Республикасонть ёроковсто вельмевтевить ды виевгавтовить раськень культурань койтне, раськень промыслатне, кемекставить регионъютконь ды раськеютконь сюлмотне, конат лездыть Мордовиясо эриця весе раськетнень коест-кирдаст сюпалгавтомантень ды ванстомантень.
Кадык тынк виенк, мелень максоманк, бажамонк лездыть минек республикань сюпав культуранть панжомантень!
Арсян тенк кеме шумбрачи, уцяска, часия, паро эрямо ды шкинемасо од саевкст!

Мордовия Республикань Прявтось В.Д.ВОЛКОВ