Республикань здравоохранениянь мельвановикс важодицят ды ветерант! Ёвтан тенк седейшкавань поздоровт профессиянь кенярксчинть – Медицинань важодицянь чинть кувалма!
Тынь алтынк эсь прянк весе шкатнестэ сехте прявт ды эрявикс тевентень. Ломантне седе сеедьстэ пшкалить тенк стака шкатнестэ. Сынь учить пельденк аволь ансяк профессиональной лезксэнть, истя жо ломанень чарькодеманть, алкуксонь мелень явоманть. Тынк мелявтоманть ды чевте седейтнень покш сюкпря марто ледстнить тёжат эрицятне.
Тынк тевдееманк седеяк неявикс ней, зярдо тынь бороцятадо коронавирусонь инфекциянть каршо. Течи важодема таркатнесэ тынь эрьва чистэ топавтадо алкуксонь подвиг, лездатадо ды идетядо эрямотнень.
Кеман, кодамояк валсо а пачтявить сюкпрятне, конатнень ёвтыть республикань эрицятне тыненк ды тынк тевентень.
Те зыянонть педе пев изнямонтень эштё куватьс, ансяк тынк бажамонк, цидярдоманк, виенк вельде минь печтясынек весе стакачитнень ды велявтанок икелень эрямонтень.
Сюконян икеленк идезь эрямотнень, тевентень видечинк, кемемачинть кисэ, конань тынь казтядо ломантненень. Седейшкава арсян тенк ды весе малавиксэнк туртов шумбрачи, часия ды паро эрямо!
Мордовия Республикань Прявтось В.Д.Волков