Тиринь масторонь вечкевикс эрицят! Ёвтан тенк седейшкавань поздоровт государствань кенярксчинть – Россиянь Федерациянь Конституциянь чинть кувалма!
Те прявт документэсь совась минек эрямос кода Россиянь гражданской праватнень ды олячинь, независимостень ды вейкетьксчинь гарантось. Мельтне-арсематне, конат путозь государствань прявт закононтень, лездасть теемс од эскелькс социально-экономической виевгавтомантень историянь стака шкастонть.
Россиянь Федерациянь Конституциясь кеместэ сюлмавозь патриотизмань, общественной чарькодемань ды од тевс кундамонь питнейчитнень марто, конат аштить обществань вадря эрямонь лувокс, неень шкань эрямонь пшти вешематненень каршо валокс. Масторонь Конституциясонть тешкстазь праватнень ды обязанностень содамось, сынст топавтомась – виев государствань теемань прявт вешема, социальной одкстомтоматнень топавтома.
Мордовиянь эрицятне теить покш путовкс минек Отечестванть виевгавтомантень. Россиянь государственностенть, обществанть вейсэндямонть, сэтьмечинть ванстомасонть, лезэв важодемасонть минь нейтяно эрьва ломаненть паро эрямонть, республиканть ды минек ине Родинанть – Россиянть виевгадоманть!
Тиринь масторонь вечкевикс эрицят! Седейшкава арсян Тенк шумбрачи, уцяска, сэтьме эрямо ды весе вадрянть!
Мордовия Республикань Прявтось В.Д. ВОЛКОВ