Мордовиянь Прявтонть В.Д.Волковонь Россиянь Од ломанень чинть кувалма поздоровонзо

Мордовиянь Прявтонть В.Д.Волковонь Россиянь Од ломанень чинть кувалма поздоровонзо

Ёвтан седейшкавань поздоровт Мордовиянь од ломантненень, республикань весе эрицятненень Россиянь Од ломанень чинть кувалма!

Од порась – те аволь ансяк сехте паро шка эрьва ломаненть эрямосо, те истя жо оймень башка ёжо. Те бажамонь, вешнемань, панжомань ды сехте покш кемематнень ды аравтлувтнень топавтомань шка.

Од ломантне примить ёроков участия республикань эрямосонть, тиринь ёнксонть ды масторонть лезэс весе тевдеематнесэ. Республикань од ломанень организациятне эсест тевдеемань ламот ёнкстнэсэ саить васенце таркат масторсонть, сынст сюпав опытэст весероссиянь ды раськеютконь проекттнэнь топавтомасо. 

Башка сюкпря ёвтан од ломантненень, конат ней важодить волонтерокс, лездыть сетнень, кинень те эряви. Тынь тейтядо покш путовкс коронавирусонь инфекциянь изнямонтень. Покш сюкпря тенк тень кисэ!

Од ломантнень мельтненень-бажамотненень ды ушодкстнэнень весемеёндонь лезксэнь явомась свалшкане карми минек прявт тевекс. Минь седе товгак карматанок лездамо од ломантнень шкинемань ды ёрокчинь потенциалост панжомасонть, профессиясо эсь таркань муемасонть, оймсеманть лезэвстэ ютавтомасонть, од семиятнень социальной лезксэнь явомасо.

Вечкевикс ялгат! Покш конкуренциянь пингестэнть эрямось веши тынк пельде домка содамочить, набойчи, мельтнень-бажамотнень ёвтамонть, важодеме вечкеманть, изнямонтень бажамонть. Арсян тенк кеме шумбрачи, вийть, тонавтнемасо, важодемасо ды эрямосо редявикс изнявкст!

Мордовия Республикань Прявтось В.Д.Волков