Мордовиянь Прявтонть Владимир Волковонь лемс сась сюкпрянь сёрма Сыре ломантнень ютксо компьютерэнь ды интернетэнь содамочитнень кастомаст коряс раськень мельтнень-арсематнень топавтомань координационной куншкакуронь прявтонть Виктория Коротаевань пельде.
Координационной куншкакурось ёвтынзе «Спасибо Интернету-2018» компьютерэнь содамочитнень тонавтнемасонть пенсионертнэнь изнявксост Весероссиянь интреактивной IV пелькстамонь итогтнень, конасонть Мордовия Республикась саизе пелькстамонь участниктнень ламочист коряс регионтнэнь ёрокчинь вейсэнь рейтингсэнть 22-це тарканть. Республикань пенсионертнэнь пельде кучозельть 39 важодемат (пелькстамос пачтязь весе важодевкстнэнь эйстэ 1,15%). Весемезэ пелькстамосонть ульнесть 3500 ламо пенсионерт Россиянь 74 регионтнэстэ. Пелькстамонь участниктнень средней иест - 63. Сехте сырентень - 95 иеть.
Тешкстасынек, пелькстамонь весе автортнэнь-изницятнень пешксе циклась максозь azbukainterneta.ru порталсонть "Конкурс" пелькссэнть.
Ледстясынек, Весероссиянь пелькстамось ютавтовсь 2018 иень апрелень 18-це чистэнть саезь октябрянь 8-це чинть видьс. Сонзэ ютавтыцятне: Ростелеком ПАО-сь Россиянь Пенсиянь фондось, Сыре ломантнень ютксо компьютерэнь ды интернетэнь содамочитнень кастомаст коряс раськень мельтнень-арсематнень топавтомань координационной куншкакурось. Пелькстамонтень тердевсть 50 иеде седе сыретне, кить тонавтнесть компьютерсэ ды Интернетсэ важодемантнень сынсь, эли прядсть курсат.