Эйкакштне - покш кеняркс Лукашовтнень туртов.Вете цёратне ды вейке тейтерькась – покш уцяска! Антон покш цёраст - прявт лездыця, эсензэ кемень иетнесэ сон пек арсиця ды кемевикс цёра. Сехте вишкинесь - Мишенька, сонензэ вейксэ ковт.
Мордовиянь Прявтось явшесь эйкакштненень казнеть, ёвтась поздоровт Ламо эйкакшонь семиянь чинть кувалма, тешкстызе, семиянь питнейчитне – минек обществань юрось. Семиясь теи эйсэнек седе виевекс, ве мельсэ эрицякс, вейке-вейкенень седе чевтекс. Самай семиясо минь тонавтнетяно лездамс малавикстнэнень, вечкемс тиринь масторонть.
Анастасия Лукашова ёвтась сюкпря Мордовиянь Прявтонтень сень кисэ, республикасонть чачсь истямо кенярксчи - Ламо эйкакшонь семиянь чи. Те семиянь ды тетянь-авань важодемань институтонь эрявиксчинть тешкстамось.
Чаень симемстэ кортасть покш семиянь мелявкстнэде. Республикань Прявтось кевкстнесь: кода ламо эйкакшонь триця авась весементь кенери. Авань ламо мелявкстнэде башка Анастасия вети общественной эрямо, сон - Мордовия Республикань Отечествань воинтнэнь семиятнень Комитетэнь ёроков член. Эйкакштне якить эрьва кодамо кужинетнес ды секциятнес. Тевтнеде-мелявкстнэде аванть - ансяк кенерть велявтомо! Ней седе шожда карми - республикань Прявтонть пельде ламо эйкакшонь триця семиянтень казсть семиянь автомобиль.
Артём Здунов казсь уцяскав авантень панжомат ды арсесь сэтьме кить ды редявикс ардомат семиянек.
Вастовомасонть ульнесть МР-нь Правительствань Председателень васенце полавтыцясь Галина Лотванова, МР-нь Госсобраниянь Председателень полавтыцясь Наталья Долматова, Мордовия Республикань Прявтонь ды Мордовия Республикань Правительствань Администрациянь руководителень полавтыцясь Елена Семелева, Мордовия Республикань Прявтонь старшей советникесь Татьяна Алиходжина, Мордовия Республикань Отечествань воинтнэнь семиятнень Комитетэнь руководителесь Ольга Соболева, «Единая Россия» партиянь региононь исполнительной комитетэнь руководителесь Станислав Тиньгаев.
Мордовия Республикань Прявтонь Пресс-службась