Креативной индустриятне течи - Россиянь экономикань эрязасто виевгадыця сектортнэстэ вейкесь. Конференциянь программась пурназь креативной экономикань прявт вешематнень перька ды арсевить индустриальной кортамот, изнявксонь историят, мастер-класст.
Раськеютконь конференциянь вейке мероприятиясонть ожоковонь 9-це чистэ ульнесь Мордовиянь Прявтось Артём Здунов. Бизнес-завторконть лувсо властень органтнэнь представительтне, продюсертнэ, Россиянь ды ялгаксчинь мастортнэстэ креативной индустриятнень виевгавтомань ассоциациятнень ды куншкакуротнень руководительтне кортасть «Креативный капитал: инфраструктура и контент» кевкстемадонть.
Ледстясынек, масторонь Президентэсь кармавтсь кастомс экономикасо шкинемань индустриятнень пельксэнть – 2030 иентень невтевксэсь карми 6% масторонь ВВП-нть эйстэ. Креативной индустриятнень покш потенциалост, конась панжи покш возможность предпринимательтнень ушодкстнэнь нолдамонть, средань одкстомтоманть ды эрямонь вадрялгавтоманть туртов.
Эсь кортамосонзо республикань Прявтось тешкстызе, Мордовиясь – редявикс раськень ды культурань башка енкс марто регион. Те региононь вадря, содавиця чачонь кемекстамонть туртов юр, конась невти сонзэ питнейчитнень ды потенциалонть.
«Ней трендтнэсэ самай питнейчитнень лангс нежедиця продуктатне. Мордовиянь явовиця, редявикс ёнксось - те этнической башка ёнксось, культурань-историянь тевкадовксось, раськень ярсамопелесь, шумбра ярсамопелень продуктатнень производствась, - тешкстызе Артём Здунов. - Мордовиясо экономикань креативной ёнксонть виевгавтомантень эрязасто совавтозь предпринимательтне, виевгавтови креативной индустриятнень инфраструктурась».
Те иень умарьковсто Саранскойсэ «Креативная экономика» АНО-нть марто вейсэ ютавтовсь Мордовиянь креативной виевгавтомань картань проектированиянь коряс стратегической сессия. Республикась совась вете лидертнэнь юткс «Знай наших» Россиянь касыця брендтнэнь пелькстамонь участниктнень ламочинть коряс, конань ютавтыть АСИ-сь ды Росконгресс Фондось ВЭБ.РФ-нь лезксэнзэ вельде. Республиканть пельде тешкстазь региононь малав 800 брендт - кавто номинациятнесэ Мордовиясто брендтнэ изнясть.
Мордовиянь Прявтось ёвтнесь прявт ёнкстнэде. Республикась эрязасто нолды тевс лездамонь весе ёнкстнэнь, микшнемань цифровой площадкатнесэ шашты бизнесэнь продукциянть. Регионсонть теезь IT-кластер - важоди Россиясо программной обеспечениянь ды цифровой сервистнэнь анокстамонь, тевс нолдамонь, интеграциянь ды сопровождениянь коряс компетенциятнень прявт куншкакуротнестэ вейкесь. Теде башка, республикась – масторсонть лидер процессной аналитикань коряс. Истя жо эрязасто касы-кепети видеоналксемань индустриясь Интернетэнь виевгавтомань Институтонть марто вейсэ ды «Камаз» концернанть лезксэнзэ вельде.
Региононь Прявтось тешкстызе, Мордовиянь од ломантне эрязасто виевгавтыть креативной индустриянь од ёнкстнэнь. Те путозь питнейчитнень марто столь лангонь налксематнень теемась, «Варма» этно-арт-театрась моданть вельде этно-арт-театранть вельде этнической идентичностенть келейгавтомась, «Край земли» брендэнть перька инициативной вейсэндявксонть виевгавтомась, киноиндустриянть виевгавтомась.
«Эряви чарькодемс, те улезэ самай индустрия – лиякс меремс, экономикань пелькс. Те улезэ микшневицякс, улест рамсицятне. Минь мольтяно сеть ёнкстнэнь коряс, конат явовтыть ломантнень мелест. Кеман, форумось лезды тенек теемс пространственной виевгавтомань од лувт, ладямс сюлмот креативной сообществанть ды властень органтнэнь ютксо», - мерсь республикань Прявтось.
Деловой завторконть лувсо эсь опытэст истя жо ёвтызь зярыя региононь, Госдумань, Московонь Креативной индустриятнень агентствань, медиа-сообществань ды масторонь представительтне.
Мордовия Республикань Прявтонь Пресс-службась