Мордовиянь Прявтось Владимир Волков примась участия лазерной техникасонть фотониканть туртов материалтнэнь нолдамонь виевгавтоманть кевкстематнень коряс промкссонть

Мордовиянь Прявтось Владимир Волков примась участия лазерной техникасонть фотониканть туртов материалтнэнь нолдамонь виевгавтоманть кевкстематнень коряс промкссонть

Февралень 20-це чистэ Мордовиянь Прявтось Владимир Волков примась участия лазерной техникасонть фотониканть туртов материалтнэнь нолдамонь виевгавтоманть кевкстематнень коряс промкссонть, сон ютавтовсь «Технопарк-Мордовиясо» Россиянь Промышленностень ды торговлянь Министрань полавтыцянть Александр Морозовонь прявтсо.

«Течи Россиясо покш мель явови телекоммуникациянь, сынст туртов специальной оптической волокнань ды кварцевой ванькс материалтнэнь нолдамонтень, - тешкстызе Александр Морозов. - Россиянь вадря качествань оптоволокнань нолдамось ашти прявт тевекс промышленностень технологичной одкстомтоманть коряс, истя жо минек масторонь технологической сэтьмечинть ванстомась».

Промкссонть тешкстазель, республикасонть ветяви покш важодема технологической инфраструктуранть теемга, покш квалификациянь кадратнень анокстамга, од продуктатнень ды инновациянь теемантень.

«Мордовиясо ёроковсто виевгадыть истят отраслятне, кода волоконной оптикась ды оптоэлектроникась, силовой электроникась, светотехнической отраслясь. Фотониканть коряс топавтовить зярыя проектт, конат кандыть покш смусть аволь ансяк минек региононть, истя жо весе масторонть туртов», - мерсь Владимир Волков.

Россиясо телекоммуникациянь волокнань нолдамонь коряс васенце заводось «Оптиковолоконные системы» АО-сь, конась панжозь 2015 иестэ, нолды продукция кабелень промышленностенть туртов. Маласо шкастонть Технопарконть юрсо тевс нолдави лия енов а молиця проект - Волоконной оптикань Инжинирингень куншкакурось, косо кармить нолдамо лазерэнь ды сенсоронь техниканть туртов волокнань башка видт.

«Неень шкане кортазь прявт кевкстематне, конат токшить Мордовиясо лия енов а молиця проектэнть теемань коряс важодеманть прядоманть - Волоконной оптикань Инжинирингень куншкакуронть. Кемекстазь витнезь «дорожной картась», косо эскельксэнь-эскелькс тешкстазь проектэнть топавтомань весе тевтне, конатнень эряви топавтомс 2017 иестэ, истя жо Куншкакуронтень ярмаконь явомань ды оборудованиянь путомань кевкстематне. 2018 иентень эряви витемс весе кевкстематнень, сы иень омбоце пельиестэнть Саранскойсэ Волоконной оптикань Инжинирингень куншкакурось ушодозо лазерэнь ды сенсоронь техниканть туртов волокнань башка видтнэнь нолдамонть», - мерсь Владимир Волков.

ИЦВО-нь проектэнтень максть покш питне Россиянь Федерациянь Промышленностень ды торговлянь министрась Д.В.Мантуров ды ПФО-со РФ-нь Президентэнть Полномочной представителесь М.В.Бабич.