Мордовиянь Прявтось Владимир Волков примась участия республикань МВД-нь итоговой коллегиясонть

Мордовиянь Прявтось Владимир Волков примась участия республикань МВД-нь итоговой коллегиясонть

Мордовиянь Прявтось Владимир Волков январень 15-це чистэ примась участия республикань МВД-нь коллегиянь покш промкссонть. Тосо ёвтавсть 2017 иестэ внутренней тевень органтнэнь важодемань итогтне.

Ведомствань прявтось Юрий Арсентьев макссь питне региононь обстановкантень кода свалшкань ды ванновт ало аштиця, ёвтась сюкпря республикань руководствантень ды правань ванстомань блоконть коряс коллегатненень правопорядоконь кевкстематнень вейсэнь витеманть кисэ. Республикасонть преступностень уровнясь седе вишкине Россиянть ды ПФО-нь регионтнэнь ютксо. Истя, ютазь иестэ тешкстазь преступлениятне киртявсть 6,3%.

Мордовиянь Прявтось Владимир Волков прявт тевтнень ютксто, конат аштить внутренней тевень органтнэнь икеле 2018 иестэнть, евтынзе куротнесэ ды ламо ломанень пурнавома таркатнесэ правопорядоконь ванстоманть, участковой уполномоченнойтнень ды патрульно-постовой службань важодицтянень тевдеемаст одкстомтоманть, правань коламотнень профилактиканть, седе пек од ломантнень ютксо. «Зыянонь кандыця тевть эйкакштнень ды од ломантнень коряс ветявить информациянь пространствасонть. Преступниктне кармавтыть сынст прядомс пряст, варчамс ды микшнемс наркотикть, примамс участия аволь закононь коряс ветявиця митингтнесэ ды акциятнесэ. Правань колмонь тевдеема социальной сетнесэ ветяви эрьва кодат приложениятнень, мессенджертнэнь ды компьютерэнь налксематнень вельде. Весе те канды покш зыян», – тешкстызе Владимир Волков.

Покш ответственность те иестэнть, кода тешкстызе Мордовиянь Прявтось, путови правань ванстыцятнень лангс Россиянь Федерациянь Президентэнть кочкамотнень ды футболонь коряс масторлангонь чемпионатонть ютавтоманть шкасто. «Коенть коряс, общественно-политической мероприятиятнень анокстамосто ды ютавтомасто кармить важодеме МВД-нь вийтне, – мерсь Владимир Волков. – Эряви путомс пирявкс весе варчавкстнэнень явомс обществанть, куроксто редямс правань коламонь тевдеематнес тердематнень».

Региононь руководителесь истя жо тешкстызе, меельце иетнестэполициянь важодицятнень авторитетэст республикань эрицятнень ютксо редявикстэ кассь. Ломантнень кемемаст ванстмоась, кода тешкстызе Владимир Волков, – правань ванстыцятнень туртов прявт тев.

Мордовия Республикань Прявтонть пресс-службась