Мордовиянь Прявтось Владимир Волков: «Тедеде минь арсетянок пурнамс рекордонь норов – сюронь 2 миллионт тоннат»

Мордовиянь Прявтось Владимир Волков: «Тедеде минь арсетянок пурнамс рекордонь норов – сюронь 2 миллионт тоннат»

Мордовиясо моли сюронь, пиже кснавонь пурнамось ды тикшетнень анокстамось.

Медьковонь 29-це чинтень сюрось ды зернобобовой культуратне пурназь 28,8 тёжат гектарсто, пивсэзь сюронь 114,6 тёжат тоннат, средней урожайностесь: эрьва гектарстонть 40 центнерт.

«Тедеде, апак вано пандемиянть лангс, минь учотанок рекордонь норов – сюронь 2 миллионт тоннат, - тешкстызе республикань Прявтось Владимир Волков. – Арсетянок, перть пельксэсь лезды, ды минь пурнасынек сонзэ ёмавкстомо».

Поладови пиже кснавонь пурнамось. Неень шкантень пурназь 1400 гектарт, пивсэзь 5059 тоннат. Эрьва гектарстонть саезь 36 центнерт.

Велень хозяйствань ракшатнень кастомаст туртов анокстазь тикшень 80 тёжат тоннат (аравтлувонть эйстэ 84%), истя жо 613 тёжат тоннат сенаж, те 102% кемекстазь аравтлувонть эйстэ.

Мордовия Республикань Прявтонть пресс-службась