Мордовиянь Прявтось Владимир Волков ульнесь ПФО-нь регионтнэсэ транспортонь безопасностень топавтоманть коряс промкссонть

Мордовиянь Прявтось Владимир Волков ульнесь ПФО-нь регионтнэсэ транспортонь безопасностень топавтоманть коряс промкссонть

2018 иень январень 19-це чистэ Равчирень федеральной округсо Россиянь Федерациянь Президентэнь полномочной представителесь Михаил Бабич ды Россиянь Федерациянь Транспортонь министрась Максим Соколов Самарасо ютавтсть Россиянь Федерациянь субъекттнэсэ, конат совить ПФО-с, транспортонь безопасностень топавтомань кевкстематнень коряс выездной вейсэнь промкс. Тосо ульнесть округонь регионтнэнь, транспортонь видтнэнь коряс федеральной службатнень ды агентстватнень прявттнэ, властень федеральной органтнэнь, прокуратурань ды общественной организациятнень представительтне.

Кода тешкстызе Михаил Бабич, регионтнэнь географиянь аштема тарканть, экономикань виевгавтоманть ды привлекательностенть мельс саезь, округсонть топавтовить усксемань весе видтнэ ламо пассажиртнэнь ды грузонь покшолматнень марто. ПФО-со улить 18 аэропорт, чугункань кинь 68 вокзалт ды пассажирэнь 561 станция, леень 25 вокзалт, 150 ламо пристанть ды причалт.

Полпредэсь башка ваннынзе футболонь коряс масторлангонь чемпионатонь анокстамонь ды ютавтомань шкасто транспортонь безопасностень топавтомань кевкстематнень. Эксперттнэнь ванновтост коряс, мундиалень анокстыця-ютавтыця оштнес (Нижний Новгород, Самара, Саранск, Казань) учовить мирэнь 30 мастортнэстэ кавто миллиондо ламо ваныцятнень ды туристтнэнь, спортсментнэнь, спортонь раськеютконь командань ды командатнень официальной делегациянь члентнэнь, массовой информациянь средстватнень представительтнень самост. Меельце иетнень перть топавтозь покш важодема траспортсо безопасностень топавтомань тевтнень вадрялгавтомга. Регионтнэсэ анокстазь ды поладови одкстомтовомо нормативно-правовой базась.

«Ломантнень туртов те стака ды прявт кевкстемантень минь явтано покш мель. Транспортонь безопасностень коряс кевкстематне свал ванновить регионтнэсэ антитеррористической комиссиятнесэ, муниципальной антитеррористической комиссиятнесэ. Сехте аламо иезэнзэ кавксть минь ванкшнотано те кевкстеманть безопасностень коряс округонь коллегиясонть. Весе решениятне, конатнень эряви топавтомс футболонь коряс масторлангонь чемпионатонтень анокстамонть лувсо, истя жо транспортонь безопасностенть коряс целанек, совавтозь графикс. Сынь токшить чугункань кинть, автомобилень, ведень транспортонть, портнэнь, вокзалтнэнь, коштонь транспортонть ды аэропортнэнь. Течинь промкссонть минь ваннынек неть кармавтоматнень топавтомаст. Шкась кадови пек аламо, контролень зярыя сроктне прядовить апрелень 1-це чинтень. Прявтокс ашти се, регионтнэ ве шкасто лисест путозь тевтнень топавтомантень. Нама, эрявить ярмакт, техникань ды ломанень вийть, ансяк те тевенть эряви топавтомс. Витемс аволь масторлангонь чемпионатонть лувсо, сонзэ эряви топавтомс целанек. Масторлангонь чемпионатось – вадря тувтал, штобу неть стака тевтненть топавтомс практикасо», – тешкстызе Михаил Бабич.

Россиянь Федерациянь Транспортонь министрась Максим Соколов тешкстызе, чемпионатонтень анокстамось молезэ аволь ансяк аэропортнэсэ, автомобилень китнесэ, метрополитентнэсэ, истя жо чугункань кинь объекттнэсэ, автобусонь транспортсо, секс мекс чемпионатонь ламот ваныцятне ды инжетне кармить само автобуссо, секскак эрявить анокстамс автовокзалтнэньгак.

Промксонть лувсо ваннозь ПФО-нь регионтнэнь опытэст ванновиця сферанть коряс, кортазь сехте талновтыця кевкстематне ды анокстазь башка мерат транспортонь комплексэнь тевдеемасо сэтьмечинть топавтомга.

Промкссонть кортасть сеть региононь прявттнэ, конат примить футболонь коряс масторлангонь чемпионатонть, сынст ютксо Мордовиянь Прявтось Владимир Волков. Сон ёвтнесь республикань транспортонь инфраструктурань объекттнэнь мундиалентень анокчидест.

Декабрянь прядовомсто Саранскоень аэропортось примизе варчамонь васенце рейсэнть. Февралень 14-це чистэнть саезь ливтямотне кармить топавтовомо свалшкань лувсо. Прявт тевекс ней ашти государственной границянть трокс нолдамонь пуктонть теемась, конанть эряви максомс мартонь 31-це чинть видьс.

Малав анок Саранскоень ды Рузаевкань вокзалонь комплекстнэнь одкстомтомась-вадрялгавтомась. Уш важодить безопасностень системань васенце элементтнэ. Саранскоень станциясо анок ванномань (досмотрань) павильонось. Тосо путозь эрявикс техника, видеофиксациянь система, радиациянь контролень комплекст. Вокзалонь комплекстнэсэ важодить видеонаблюдениянь системат. Домкасто ванкшновить кевкстематне «Безопасный город» системантень совамга. Чугункань кинь переездтнэс истя жо арсеви путомс фото- ды видеофиксация, ялго ютамонь од печтямот. Вокзалтнэсэ важодить чинь-вень зярыя постт. Истя жо арсеви транспортонь безопасностень подразделениятнень тердемась.

Кода тешкстызе Республикань Прявтось, меельце иетнестэ целанек одкстомтозь Саранскоень общественной транспортось, истя жо медицинань лезксэнь куроксто явомань, полициянь ды МЧС-нь автопарктне. Ошось рамась троллейбуст ды автобуст, весемезэ 80 ламо единицат. Техникатнес путозь видеорегистраторт, видеонаблюдениянь системат, совавтозь «ГЛОНАССонтень».

Витневить-вадрялгавтовить Саранскоень ды Рузаевкань автовокзалтне. Объектнес путозь видеонаблюдения, учомань залонтень совамсто ванномань оборудования ды перрононтень лисемстэ нолдамонь управлениянь система.

«Транспортонь безопасностень топавтоманть эйстэ ашти футболонь коряс масторлангонь чемпионатонть вадрясто ютавтомась. Минек прявт тевенек – Мордовиясо инжетнень улеманть теемс вадрякс ды сэтьмекс. Тень пингстэ од аэропортось, вокзалтнэ, китне, сэтьмечинь лия ёнов а молиця систематне, чемпионатонь весе сюпавчись кармить служамо республикань эрицятненень ламо иень перть», – тешкстызе Владимир Волков.

Мордовия Республикань Прявтонть пресс-службась

ПФО-со РФ-нь Президентэнь полпредэнь пресс-службанть лезксэнзэ вельде