Мордовиянь Прявтось Владимир Волков декабрянь 27-це чистэ ульнесь РФ-нь Государственной советэнь промкссонть, конась ютавтовсь Кремлясо Россиянь Президентэнть Владимир Путинэнь прявтсо. Промксонь темакс кармась регионтнэсэ инвестициянь политикась.
Президентэсь тешкстызе: инвестициятнень покшолгавтомась – те экономикань касомань, важодемань од таркатнень теемань, эрицятнень алкуксонь зарплатаст ды доходост кастомань юр, мезесь ашти прявт тевекс. Теде башка, инвестициятнень кастомась лезды покшолгавтомс ресурстнэнь здравоохранениянть, образованиянть, социальной сферанть туртов целанек, эрьва кодат программатнень ды проекттнэнь топавтомантень.
Государствань прявтось тешкстызе, эрямо поладомс нормативно-правовой базань вадрялгавтоманть, конась аравтозь предпринимательтнень эрьва чинь важодеманть шоождалгавтомантень, ды кармавтсь Федерациянь субъекттнэнь домкасто важодемс бизнесэнь ветямонь туртов условиятнень вадрялгавтомаст коряс.
Промксонь участниктне ёвтасть территориятнень инвестициянь привлекательностенть кастомань коряс башка мельть-арсемат.
Тешкстасынек, Национальной рейтингень итогтнень коряс 2016 иестэ инвестициянь климатонть коряс Мордовиясь саизе 18-це тарканть РФ-нь субъекттнэнь ютксто. Меельце вете иетнень перть республикасонть топавтозь 50 ламо инвестициянь покш проектт экономикань весе отраслятнесэ.
Мордовия Республикань Прявтонть пресс-службась