Мартонь 14-це чистэ Мордовиянь Прявтось Владимир Волков вастовкшнось Н.П.Огарев лемсэ МГУ-нь учёнойтнень марто, конат важодить кремниень карбидэнь монокристаллтнэнь синтезэнть коряс проектэнть лангсо.
Ледстясынек, проектэсь канды пек покш смусть силовой электроникань ды радиоэлектроникань виевгавтоманть туртов. Мордовиясо сонзэ топавтоманть туртов анокстазь научно-производственной цела лув, конантень, университеттэнть башка, совить «Электровыпрямитель» заводось ды республикань технопаркось.
«Синтез и обработка монокристаллов карбида кремния» научно-исследовательской лабораториянь сотрудниктне пачтясть Республикань Прявтонтень важодемань эштё вейке пельксэнть вадрясто топавтомадонзо. Вастовоманть шкасто мольсь кортамо проектэнть седе тов топавтомань кевкстематнеде.
Кортамосонть примасть участия Мордовиянь Государственной Собраниянь Председателесь Владимир Чибиркин, Мордовия Республикань Правительствань Председателень полавтыцясь - Промышленностень, наукань ды од технологиянь министрась Александр Седов, Н.П.Огарев лемсэ МГУ-нь ректорось Сергей Вдовин.
Мордовия Республикань Прявтонть пресс-службась