Мордовиянь Прявтось Владимир Волков вастовкшнось «Биохимик» заводонь прявттнэнь марто

Мордовиянь Прявтось Владимир Волков ваствокшнось «Биохимик» ПАО-нь генеральной директоронть Денис Швецовонь марто. Кортамось мольсь 2016 иестэнть предприятиясонть топавтозь тевтнеде ды икелепелень аравтлувдонть. Вастовомантень сакшность республикань Правительствань Председателесь - Промышленностень, наукань ды од технологиятнень министрась Александр Седов.

Денис Швецовонь валонзо коряс, 2016 иестэнть «Биохимикентень» удалась топавтомс путозь весе тевтнень. Неень шкане заводось важоди весе вийсэнзэ, ютазь иестэнть товаронь продукциянь нолдамонь покшолматне кассть 26,5% ды кармасть 2,2 млрд целковойть. Тешкстазель, 2016 иестэнть «Биохимикесь» пачтясь налогт ды лия пандовкст малав 200 млн целковоень покшолмасо, сынст эйстэ 80 млн пачтявсть Мордовия Республикань консолидированной бюджетэнтень.

2017 иес предприятиянть прявт тевензэ - вийтнень седе тов покшолгавтомась, зарплататнень кастомась, важодемань од таркатнень теемась. Мордовиянь Прявтось башка тешкстызе производствань од корпусонь строямонть прядоманть. «Панжомс те объектэнть эряви тедеде, седе тов - бажамс ливтемс продукциянь нолдамонть 5-6 млрд целковойть иезэнзэ. Прявтось, од производствась лезды максомс ошонь эрицятненень важодемань 130 таркат», - тешкстызе Владимир Волков.

Истя жо ветявсь кортамо «Антибиотики» научно-производственной вейсэндявксонть важодемадонзо. Ледстясынек, ютазь иень декабрясто Саранскойсэ Россиянь Федерациянь Здравоохранениянь министранть Вероника Скворцовань ды Промышленностень ды торговлянь министранть Сергей Цыбань пингстэ тешкстазь колмо ёнксонь соглашения республикань Правительстванть, «Биохимик» заводонть ды Мордовиянь госуниверситетэнть  юткссо.

Денис Швецов тешкстызе, 2017 иестэнть научно-производственной вейсэндявксонть юрсо арсеви теемс антибиотиктнень ниле од субстанцият, конат седе тов кармить нолдавомо «Биохимиксэнть».

Мордовиянь Прявтось Владимир Волков эштё весть тешкстызе: «Од антибиотиктнень нолдамонь коряс проектэсь канды покш смусть весе масторонть туртов, секскак республиканть туртов сон пек эрявикс!»

Мордовия Республикань Прявтонть пресс-службась