Январень 24-це чистэ Мордовиянь Прявтось Владимир Волков якась Комсомольский поселкасонть «Мордовцемент» ПАО-нь. Вастовоманть лувсо ванкшнозь производствань одкстомтозь линиятне ды ютавтозь промкс предприятиятнть важодемань кевкстематнень коряс, тов сакшность «ЕВРОЦЕМЕНТ груп» АО-нь прявттнэнь Советэнь Председателесь Филарет Гальчев, «ЕВРОЦЕМЕНТ груп» АО-нь Президентэсь Михаил Скороход ды «Мордовцемент» ПАО-нь генеральной директорось Карел Оклештек. Республикань Прявтонть пингстэ тешкстазь соглашения «Мордовцемент» ПАО-нть ды «General Electric» (GE) юткссо (General Россиясо ды СНГ-сэ Electric Power прявтонть Руслан Пахомовонь пингстэ).
Владимир Волков холдингень прявттнэнь марто вейсэ ванкшнынзе «Мордовцементэнь» производствань вийтнень, конат одкстомтозь инвестициянь проектэнть лувсо. Невтемга, предприятиясонть витнезь цементэнь «коське» производствань линиясь, одкстомтозь каштомотне, анокставксонь отделениясь, путозь продукциянь паллетированиянь од линия, виевгавтови чугункань кинь инфраструктурась.
Промкссонть, конась алтазель предприятиянь виевгавтомань кевкстематненень, ёвтазельть 2016 иень важодемвнь итогтне, конатнень коряс редяви вадря ёнов полавтомась. Республикань Прявтось тешкстызе, «Мордовцементэсь» весе историянзо перть теи покш путовкс масторонь ды республикань экономиканть виевгавтомантень, тевс нолды неень шкань технологиятнень.
«Течи прявт тевесь - велявтомс «Мордовцементэнть» Республикань промышленной производствань прявт предприятиятнень ютксс, косо минек эрицятненень максовить важодемань вадря таркат ды паро зарплата», - тешкстызе Владимир Волков.
Филарет Гальчев тешкстызе 2016 иень невтевкстнэнь коряс предприятиянть одкстомтоманть ды кармавтсь коллективентень а валгстомс производствань вийтнень, 2017 иестэнть производствань покшолматне улест 4,2 млн. тоннат.
Промкссонть прядовомга, Мордовиянь Прявтонть пингстэ тешкстазь сервисэнь куватьшкань контракт «Мордовцемент» ПАО-нть ды GE компаниянть юткссо 27 млн $ покшолмасо. Сонзэ коряс 20 иень перть ветяви кавто турбинатнень сервисэнь обслуживаниясь, сынь нолдазь GE компаниясонть ды путозь «Мордовцемент» ПАО-нь парогазовой электростанциясонть.
Контрактонть тешкстамонтень лездась предприятиясонть ПГЭС-нь одкстомтозь турбинанть тевс нолдамось. Одкстомтоманть коряс важодемась ветявсь Италиясо GE юрсо, тевс нолдавсть од технологиятне. Одкстомтомась лезды 2017 иестэ кастомс эсест электроэнергиянь нолдамонть 67% 2014-2016 иетнень невтевксэст коряс.
Мордовиянь Прявтось Владимир Волков:
«Течи кемекстазь договорённостне, конат икеле изнязь холдингень прявттнэнь марто, сынст коряс 2017 иестэ карми нолдавомо 4 миллионт 200 тёжат тоннат цемент. Предприятиясонть ули весемесь тень топавтомга - тевест вадрясто содыця важодицят, неень шкань оборудования, лезэв менеджмент. Прявтокс ашти сеяк, предприятиянь прявттнэ тевс нолдыть социальной гарантият. Тешкстазь коллективной договор, конасонть сермадозь «Мордовцементэнь» важодицятненень социальной гарантиянь максомась. 2016 иень невтевкстнэнь коряс предприятиясонть средней зарплатась 36 тёжат целковойть - те истя жо корты вадря ёнов полавтоматнеде. Теде башка, течи предприятиянь прявттнэнь марто минь кортынек заводонть самс транспортонь нолдамодо вейсэнь важодемадонть. Кеман, «Мордовцементсэнть» весе арсезесь топавтови».
«ЕВРОЦЕМЕНТ груп» АО-нь прявттнэнь Советэнь Председателенть Филарет Гальчев:
«Мордовцементсэ» важодемань кавто иетнень перть миненек удалась одкстомтомс предприятиянь производствань малав весе вийтнень. Полавтозь чугункань кинь 17 километрат ды стрелкань 44 ютавтомат, предприятиясонть транспортонь логистикась вадрялгавтовсь. Неень шкане «Мордовцементсэнть» важодить 1 200 ломанть, Като иетнень перть важодемань производствась кастовсть кавксть. «Мордовцементэсь» - лия енов а молиця предприятия, тесэ нолдазь тевс цементэнь производствань весе технологиятне.
Ёвтан сюкпрянь валт республикань прявтнэнень минек проекттнэнь кирдемаст кисэ, пшти кевкстематнень куроксто витемаст кисэ. Кеман, «Мордовцементэнть» икелев путозь весе тевтне топавтовить - рамсицятненень пачтяви вадря качествань продукция, региононь бюджетс шкастонзо пачтявить налогонь пандовкстнэ, предприятиянь важодицятненень максовить соцгарантият ды вадря зарплата».