Мордовиянь Прявтось Владимир Волков вастовкшнось МР-со УФСБ-нь прявтонть Андрей Акулининэнь марто. Кортамось мольсь федоральной ведомстванть ды субъектэнь прявт исполнительной властень органтнэнь вейсэнь важодемадост.
Кортазельть 2018 иень Футболонь коряс мирэнь чемпионатонтень анокстамонтень вейсэнь важодемась, пелькстамонь инжетнень ды участниктнень сэтьмечист ванстомась.
Истя жо ванкшнозель республикасонть велень хозяйствань сферасо кредитованиянь программань проекттнэнь топавтомаст, сынст ютксо ушодыця фермертнэнень лездамось.
Теде башка, Владимир Волков ды Андрей Акулинин ванкшнызь экстремизмань а нолдамонь кевкстематнень, кеместазельть мероприятият важодемань те ёнкссонть.
Вастовоманть шкасто башка мель явозель правопорядканть ды эрицятнень сэтьмечинть ванстомантень сы шкань кенярксчитнесэ – Од иень, Роштувань, Крещтениянь тешкстамсто.