Мордовиянь Прявтось Владимир Волков ветясь промкс 2018 иень Масторлангонь чемпионатонть ютавтома шкасто РЖД-нть марто вейсэнь кевкстематнень коряс

Мордовиянь Прявтось Владимир Волков ветясь промкс 2018 иень Масторлангонь чемпионатонть ютавтома шкасто РЖД-нть марто вейсэнь кевкстематнень коряс

Апрелень 9-це чистэ Республикань Кудосо ютавтовсь промкс футболонь коряс масторлангонь чемпионатонть ютавтома шкасто региононь властенть ды «РЖД» ОАО-нть вейсэнь важодемань кевкстематнень коряс. Кортамосонть ульнесть Мордовиянь Прявтось Владимир Волков, «РЖД» ОАО-нь чугункань кинь вокзалтнэнь Дирекциянь прявтось Виталий Вотолевский, Куйбышевань чугункань кинь прявтонть полавтыцясь Максим Киселев, «РЖД» подразделениянь представительтне, конат важодить компаниянь тевдеемань эрьва кодамо ёнкстнэсэ, истя жо Мордовиянь Правительствань Председателесь Владимир Сушков, Саранск ошонь округонь прявтось Петр Тултаев, министерствань ды ведомствань прявттнэ, конат важодить 2018 иень Футболонь коряс масторлангонь чемпионатонь анокстамонть коряс.

Владимир Волков шумбракстнемань валсонзо тешкстызе, транспортонь инфраструктурань, истя жо чугункань кинь, анокстамонь ламот кевкстематне республикасонть лезэвстэ витезь «РЖД» ОАО-нь представительтнень марто вейсэнь важодеманть вельде. «Сеть тевтнень топавтоманть коряс, конат эрявикст течинь чис, эряви важодемс домаксто, тешкстамс республикань правительстванть ды «РЖД-нть» ответственностень зонанть эрьва пунктонть коряс», – тешкстызе Мордовиянь Прявтось.

Виталий Вотолевский, эсензэ пельде, тешкстызе чемпионатонтень анокстамонть шкасто чугункань кинь объекттнэнь витнемань коряс топавтозь тевтнень покшолмаст ды ёвтась сюкпря Мордовиянь Прявтонтень весе кевкстематнень коряс курок шкань важодеманть кисэ. «Течи минь ваннынек Саранскоень ды Рузаевкань чугункань китнень, эряви меремс, витнемань-одкстомтомань коряс весе важодематне топавтозь целанек».

Промксонть лувсо кортазь ламо кевкстемат, конат токшить футболонь коряс масторлангонь чемпионатонь инжетнень ды участниктнень транспортонь топавтоманть. Пассажиртнэнь пачтямонь логистикась, безопасностень кевкстематне, навигациятне, волонтёртнэнь важодемась, транспортонь инфраструктурань объекттнэсэ вадрялгавтомась – эрьва кевкстемастонть муезь лисема, тешкстазь топавтыцятне ды важодемань шкась.

Мордовия Республикань Прявтонть пресс-службась