Мордовиянь Прявтось Владимир Волков ютавтсь эрицятнень марто вастовома Россиянь Президентэнь региононь приёмнойсэнть

Мордовиянь Прявтось Владимир Волков ютавтсь эрицятнень марто вастовома Россиянь Президентэнь региононь приёмнойсэнть

Мордовиянь Прявтось Владимир Волков ацамковонь 18-це чистэ ютавтсь эрицятнень марто вастовома Россиянь Президентэнь региононь приёмнойсэнть. Пшкадематнень куроксто топавтомаст туртов вастовомантень тердезельть государственной властень исполнительной органтнэнь ды местной самоуправлениянь органтнэнь важодицятне.

Ромоданова ёнксонь эрицясь Любовь Ронжина сась вастовомантень «Садвинтрест» Совхоз посёлкань эрицятнень пельде вейсэнь пшкадеманть марто – полавтомс ведень напоронь башнянть ды поладомс водопроводонь строямонть. Посёлкасонть эрить 300 ламо ломанть, од сетнень ветямост коряс важодемань покш пельксэсь топавтозь «Устойчивое развитие сельских территорий» программань тевс нолдамонть лувсо. Республикань Прявтось алтась, кадовозь тевтне топавтовить 2019-2020 иетнестэ.

Вейсэнь пшкадеманть марто Мордовиянь Прявтонтень истя жо пшкадсть Ромоданова ёнксонь эрицясь Сергей Горячев ды Орданьбуе ёнксонь эрицясь Ирина Дементьева. Сынст кевкстемаст сюлмазельть китнень строямонть марто. Ромодановань ёнкссо эряви витнемс ды одкстомтомс Ромоданово – Красный Узел – Липки – Вырыпаево кинть, Орданьбуесэ – Низовка велентень кинть.

Владимир Волков тешкстызе, неть китнень строямонь кевкстематне ёвтазельть кочкицятнень кармавтомасост, секскак китне улить теезь.

Лия пшкадематне сюлмазельть ламо эйкакшонь кастыця семиятненень эрямо таркань рамамс социальной пандовкстнэнь ды материальной лезксэнть явомаст марто.

Республикань Прявтонть кармавтоманзо коряс весе пшкадематне, конат ёвтазь вастовоманть лувсо, саевить башка ванновт алов.

Мордовия Республикань Прявтонть пресс-службась