Мордовиянь Прявтось Владимир Волков ноябрянь 22-це чистэ Московсо ютавтсь зярыя вастовомат. Вастовкшнось Россиянь Финансонь министрань полавтыцянть Андрей Ивановонь ды Межбюджетной отношениятнень коряс Департаментэнь прявтонть Лариса Ерошкинань марто.
Ванкшновсть финансонь иень прядовомань, 2017 иень республикань бюджетэнть анокстамонь ды топавтомань коряс важодемань кевкстематне, истя жо республикань социально-экономической виевгавтомань программатнень финансированиянь, 2018 иень футболонь коряс мирэнь чемпионатонтень анокстамонь пшти кевкстематне.