Мордовиянь Прявтось Владимир Волков ютавтсь важодемань вастовома «РМ Рейл» компаниянь генеральной прявтонть Павел Овчинников марто. Кортавсть васенце кварталстонть компаниянь важодемань итогтне, истя жо од проекттнэнь топавтоманть коряс аравтлувтне.
Васенце кварталстонть компаниясь нолдась малав 1800 вагонт, истя жо теезь 1800 ламо вагонокомплект. Предприятиясь аноксты инновациянь валоманть нолдамонтень.
Важодемань вастовоманть шкасто ванновсть неень шкань контракттнэнь топавтомань ды экспортонть виевгавтомань кевкстематне.
Республикань Прявтось истя жо тешкстызе компаниянь социальной программанть эрявиксчинзэ. Ней «РМ Рейл» предприятиясонть важодить 5,5 тёжат ломанть, ды робочей специальностнес саемась поладови. Арасть кирдемат зарплатанть коряс, заводось лиссь свалшкань важодемантень. Владимир Волков тешкстызе те ёнкссонть вейсэнь важодемань поладоманть, предприятиясь седе товгак виевгадоволь, важодицятне кемевельть вандынь чинтень.
Неть кевкстематнень кортамосто ульнесть республикань Правительствань Председателень васенце полавтыцясь – экономикань, торговлянь ды предпринимательствань министрась Владимир Мазов, Правительствань Председателень полавтыцясь – промышленностень, наукань ды од технологиятнень министрась Александр Седов, Правительствань Председателень полавтыцясь – финансонь министрась Алексей Симонов.
Мордовия Республикань Прявтонть пресс-службась