Мордовиянь Прявтось Владимир Волков январень 22-це чистэ ютавтсь важодемань вастовома Мордовиянь пельде сенаторонть, Федерациянь Советэнь раськеютконь тевтнень коряс комитетэнь председетелень васенце полавтыцянть Сергей Кисляк марто.
Сенаторось ёвтнесь республикань Прявтонтень Федерациянь Советсэ важодемадонзо, тешкстызе, эсензэ туртов прявт тевекс лови федеральной уровнясо Мордовиянть мелензэ-арсеманзо ванстоманть.
Важодемань вастовоманть шкасто кортавсть республикань социально-экономической виевгавтомань, региононь социально значимой проекттнэнь топавтомань кевкстематне. Кортамось истя жо мольсь 2018 иень футболонь коряс масторлангонь чемпионатонтень Мордовиянть анокстамодонзо.
Владимир Волков ёвтынзе сенаторонтень маласо иетнес Мордовиянь виевгавтомань прявт ёнкстнэнь, тешкстызе кочкицятнень кармавтомаст коряс важодеманть эрявиксчинзэ.
Истя жо ванкшновсть 2018 иень февралень 27-28-це читнестэ Федерациянь Советсэ Республикань Читнень ютавтоманть марто сюлмавозь кевкстематне.
Мордовия Республикань Прявтонть пресс-службась