Стадионсонть Республикань Прявтось ваанынзе молиця тевтнень – ней тесэ прядовома лангсо нурька шкань трибунатнень путомась, поладови латонь ацамось ды нурька шкань инфраструктурань строямось, фасадонь мазылгавтомась. Офистнэнь, озамо таркатнень, оршамонь-кайсемань таркатнень покш пельксэсь анок турнирэнь ютавтомантень, путозь лифтне – стадионсонть эйстэст кармить колоньгемень.
Владимир Волковнень пачтясть газононть «ёжодонзо»: специалисттнэнь валост коряс, весемесь моли аравтлувонть коряс, ней од тикшенть вадрясто ванстыть якшамотнень эйстэ башка вельтявксо ды эждемань системасо.
Чемпионатонтень анокстамонь объекттнэнь ванномась поладовсь ташто сэденть лангсо, косто неяви Инсар леень чиресь. Тесэ ёроковсто моли важодемась зярыя ёнкстнэнь коряс.
Республикань Прявтось кармавтсь ламолгавтомс специалисттнэнь, конат важодить ялго якамонь яннэтнесэ брусчатканть ацамосо ды пирявкстнэнь теемасо, яннэтне кармить молеме весе лейчиренть кувалт.
Мордовия Республикань Прявтонть пресс-службась