Мордовиянь Прявтось ютавтсь важодемань вастовома Саранскоень ды Мордовиянь Митрополитэнть Зиновий марто

Мордовиянь Прявтось ютавтсь важодемань вастовома Саранскоень ды Мордовиянь Митрополитэнть Зиновий марто

Июлень 9-це чистэ Республикань Кудосо ютавтовсь Мордовиянь Прявтонть Владимир Волковонь ды Саранскоень ды Мордовиянь Митрополитэнть Зиновиень важодемань вастовомась. Повесткасонть прявт кевкстемакс кармась од храмтнень строямось. Региононь руководителесь башка мель явсь Московсо Мефодий ды Кирилл иневанькс равноапостолтнэнь лемс приходсонть церьковань строямонтень, сон стявтови эрзянь-мокшонь землячествантень совицятнень вийсэ.

Истя жо кортавсть высшей православной духовной тонавтнемань заведениянть – Саранскоень Духовной Семинариянть – тонавтницятнень туртов студентэнь общежитиянь строямонь кевкстематне.

Вастовоманть прядовомсто Зиновий митрополитэсь ёвтась сюкпря Мордовиянь Прявтонтень свалшкань лезксэнть кисэ, конань региононь властесь яви митрополиянь духовенствантень ды эрицятнень духовно-нравственной кастоманть кисэ мелявтомадонть.

Мордовия Республикань Прявтонть пресс-службась