Куншкакуронть тевтнеде евтнемстэ, сонзэ исполнительной прявтось Анатолий Крашенинников тешкстызе, Саранскоесь кочказь аволь стяко, Мордовиянь прявтошсо топавтови фармацевтикань отраслянь импортонь полавтомань кастомань-кепетемань кластерэнь лувось. Мордовиянь государственной университетэсь (медицинань институтось), медицинань препараттнэнь нолдыцясь «Биохимик» АО-сь ды Клинической ванноматнень ютавтомань куншкакурось – вейке научно-производственной рисьмень пелькст.
Саранскойсэ клинической ванноматнень куншкакуросонть ули неень шкань эрявикс оборудования, истя жо стационарсо клинической ванноматнень участниктнень (доброволецтнэнь) ежост мельга ванномань мобильной системат, ули медицинань лицензия ды качествань сертификатт. Тесэ ютавтови тестирования – зярдо пациенттнэ примить участия лекарствань препаратонтень инструкциянь теемасонть. Куншкакуросонть кармить аволь ансяк лекарствань препараттнэнь ванноматнень ветямо. Огарев лемсэ МГУ-нть марто вейсэ нолдавить тевс неень шкань фармацевтикань кастомань-кепетемань научно-прикладной ванноматне, Медицинань институтонть юрсо теезь лабораториянь комплекс, ков путозь неень шкань оборудования лекарстватнень фармакокинетической ванноматнень туртов. Фармацевтикань промышленностенть туртов теить кадратнень анокстамонь тонавтнемань программат. Ванноматнень куншкакурось карми юрокс медицинань факультеттнэнь студенттнэнь производственной практикань ютамонть туртов. Маласо шкастонть Куншкакурось карми Мордовиянь Технопарконь резидентэкс.
Мордовия Республикань Прявтонь пресс-службась