Мордовиянтень максовить ярмакт школань автобустнэнь ды медицинань куроксто лезксэнь явомань машинатнень рамамс

Мордовия Республикантень явовить ярмакт федеральной бюджетстэ школань 32 автобустнэнь ды медицинань куроксто лезксэнь явомань 12 машинатнень рамамс. Неть кармавтоматнень тешкстынзе Россиянь Правительствань Председателесь Д.А.Медведев ды сынь путозь ведомствань официальной сайтонтень.

Россиянь Минпромторгонтень башка явовить 900 млн целковойть школань автобустнэнь рамамс. Тень кувалма Россиянь Федерациянь 30 субъектнэс пачтявить школань 633 автобуст, 513 автобустнэс кельгстявить 10-12 ломанть, 111 автобустнэс - 22-24 ломанть ды 9 автобустнэс - 30 ломанть, неть автобустнэ рамавить сетнеде башка конатне рамазельть Правительствань 2016 иень августонь 17-це чинь распоряжениянть коряс.

Россиянь Минпромторгось истя жо башка максы 1 млдр целковойть медицинань куроксто лезксэнь явомань машинатнень рамамс. Тень кувалма Ферерациянь 44 субъектнэс пачтявить 477 машинат, сетнеде башка конатне рамазельть Правительствань 2016 иень августонь 10-це чинь ды сентябрянь 14-це чинь распоряжениятнень коряс.