Мероприятиясонть ульнесть РФ-нь Федерациянь Советэнь Председателень васенце полавтыцясь, «Единая Россия» партиянь Генеральной советэнь секретаресь Андрей Турчак, Мордовия Республикань Прявтось Артём Здунов, «Газпром» ПАО-нь Правлениянь Председателень полавтыцясь Виталий Маркелов, «Газпром межрегионгаз» ООО-нь генеральной прявтось Сергей Густов.
Весемезэ региононь эрицятнень марто тешкстазь 5,2 тежат договорт догазификациянь коряс, 4,3 тежадо седе ламо кудотнесэ ули сетевой уштомапель.
Андрей Турчак, Николаевкань эрицятненень поздоровонь евтамсто, тешкстызе: те топавтовсь социальной газификациянь покш программанть вельде, конань яволявтызе минек Президентэсь. Мордовиясо газификациянь невтевксэсь 90% седе ламо. Те масторсонть сехте покш невтевкстнэде вейкесь. Ансяк тесэяк программась пек эряви.
«Течи регионсонть печтязь прявт рубежэсь – сеттненень ключазь вете тежат участкат. Кода весе масторонть келес, Мордовиясо программась Президентэнть кармавтоманзо коряс токши соцобъекттнэнь - школатнень, ФАПтнень, поликлиникатнень, Культурань кудотнень. Те енксонть регионтнэсэ ключамонь темпатнень коряс карматано виевгавтомо. Льготниктнень 13 категориятнень туртов – ламо эйкакшонь семиятне, ВОВ-нь ветерантнэ, СВО-нь участниктне ды сынст семиятне, инвалидтнэ ды лиятне – республикасонть ули субсидия газовой оборудованиянь рамамс. Маласо шкастонть программась токшесы СНТ-тнень. Те топавтови государствань прявтонть решениянзо коряс. «Единой Россиясь» «Газпромсто» коллегатнень ды Правительстванть марто вейсэ анокстыть нормативной эрявикс полавтомат, штобу газось, окойники, пачкодевель дачань поселкатнес. Ломантне тень пек учить», – мерсь сон.
Мордовиянь Прявтось тешкстызе: «Минь ключинек уш 5 тежат кудот, ломантне минь дисциплинань кирдицят, сайтяно эсенек лангс ответственностенть. Евтан сюкпря весенень, кие кандови те важодемантень. Те иентень минек эште 400 ключамот догазификациянь программанть коряс. Мордовиясь сови колмо лидертнэнь юткс догазификациянть коряс. Сюкпря лездамонть кисэ «Единая Россия» партиянтень, «Газпромонтень». Мезесь токши сыця кочкамотнень, евтаса эсень ванновтом. Конституциясонть сермадозь, кочкамотнес молемась, – те эрицянть правазо. Монь туртов – те ответственность ды обязанность. Неть колмо читнень перть минь максстано вайгеленек Россиянть кисэ».
Виталий Маркелов, республикань эрицятненень пшкадемстэ, мерсь: «Мезесь токши догазификациянь программанть – Мордовиясь невти вадря цетавкст. Уш ключазь вете тежат кудот, ды седе тов важодемась ули поладозь. Тевтне покшт, ансяк вейсэ минь сынст топавтсынек. Мон чачинь республикасо, кирдян мельсэ, кода уштынек пенгесэ, ансяк течи весемесь те кадовсь исень чинтень. Арсян весенень уцяска, Мордовиянтень виевгадома!»
«Мордовия Республикась – Россиянь регионтнэнь рейтингень лидертнэсэ догазификациянть коряс: эрицятнень участкатнес газонь сеттнень строямонь темпатнень коряс, пертьпельксэнь уштомапелентень кудотнень ключамонь темпатнень коряс. Текень марто, субъектэнь газоснабжениянь ды газификациянь программань виевгавтоманть лувсо поладови поселкатнень ютксо ды распределительной газопроводтнэнь строямось Темниковань, Зубова Полянань, Отяжбуень, Чаунзань, Покш Березникень, Лямбирень, Ташто Шайговань, Ицялонь, Ромодановань, Ковылкинань ды Кочкурань енкстнэсэ 30 ламо эрямонь пункттнэнь газификациянть туртов. Масторонь Президентэнть Владимир Владимирович Путинэнь кармавтоманзо коряс догазификациясь кармась шкавтомо, секскак эрямонь пункттнэнь эрицятненень мереви примамс участия социальной газификациянь покш ды эрявикс проектсэнть», – тешкстызе «Газпром межрегионгаз» ООО-нь генеральной прявтось Сергей Густов.
Кенярксчинть лувсо пертьпельксэнь газось максозь Николаевкасо Юлия ды Михаил Павлунинтнэнь кудонтень. Мирдть-нить евтызь мелест те куватьс учовиця тевенть кувалма: «Весе тевтнень, конат сюлмавозь документтнэнь теевтемаст марто, ютынек куроксто ды шождасто – те тееви весенень, кие бажи ветямс газ эрямонь кудонтень. Минь пек кенярдтано – газтомо эсь кудосо пек стака. Те истя жо экономия электричествань тевс нолдамонть коряс».
Артём Здунов истя жо кортась Николаевка поселкань эрицятнень марто. Кортамось мольсь китнень строямодост. «Стимул» федеральной программанть коряс тесэ уш строязь кить зярыя куротнесэ. Мордовиянь Прявтось макссь кармавтома вице-премьерэнтень Инсаф Хайруллинэнь ванномс кевкстеманть поселкасонть китнень седе тов строямонть коряс. Истя жо тедеде Николаевкасо панжовить канализациянь ды водопроводонь коммуникацият. Поселкань вадрялгавтомась поладови!
Мордовия Республикань Прявтонь пресс-службась