Пелькстамось, конань анокстызь Стратегической инициативатнень агентствась (АСИ), Росконгресс Фондось ды ВЭБ.РФ, 2025 иестэ пурнась рекордонь 14,2 тёжат яволявтомат масторонь весе регионтнэстэ.
Пелькстамонь изницятненень поздоровт ёвтась Россиянь Президентэнь Администрациянь руководителень полавтыцясь Максим Орешкин:
«Пелькстамось теезь Россиянь брендтнэнь шаштоманть туртов, сынь кармаст конкуренциянь кирдицякс ды содавиксэкс. Истя кемекстатано раськень идентичностенть - ней нейтяно, куш-кона отраслясонть улить отечественной вадря товарт».
АСИ-нь генеральной прявтось Светлана Чупшева ёвтась сюкпря пелькстамонь партнертнэнень ды тешкстызе: «Сильные идеи для нового времени» форумонь пленарной промкстонть икеле минь государствань прявтонть марто ваннынек «Знай наших» брендтнэнь выставканть: предпринимательтне ёвтнесть семиянь бизнесэнть ды од проекттнэнь коряс - минь карматано лездамо тенст. Течи минек масторсонть покш мель явови, кемема максови продукциянтень, конась нолдазь Россиясо, минек анокставкстнэнь эйстэ, конантень «стазь» минек культурань ламоёнксонь кодось. Мельспаро неемс, кода касы ды полавтови Россиянь бизнесэсь ды сонзэ од геройтне – касыця брендтнэ».
«Потребительские товары» номинациясонть изницятнестэ вейкекс кармась Мордовиясто INCRUA компаниясь, конась нолды кузонь ювелирной налкшкеть ды морязь тумосто интерьерэнь кедьёнкст.
Партнёронь ды специальной номинациятнесэ казизь 88 брендтнэнь - изницятнень географиясь токши 37 регионт. Истя, «Красота» категориясонть тешкстазь Chicnie макияжень туртов кисточкатнень Мордовиянь маркась.
Теде башка, Мордовия Республикась кармась изницятнень ютксо «Регион» номинациясонть - те номинациясонть тешкстызь масторонь субъекттнэнь, конатне седе эрязасто кирдить эсь брендтнэнь.
«Минек туртов брендэсь - те история, ломанть ды капитализация. Касыця брендтнэ ды касыця капитализациясь», - казненть получамсто мерсь Артём Здунов.
Теде башка, кода тешкстазель каземань церемониясонть, Мордовия Республикась кармась рекордсменэкс пелькстамонтень максозь яволявтоматнень кастомаст коряс.
Мордовия Республикань Прявтонь Пресс-службась