Ютавтовсь вастовома «Далиомфарма» ООО-нь руководстванть марто – те предприятиясь нолды лекарствань эрьва кодат препаратт, истя жо верень плазмасто. Республикань делегациясь теевсь содавиксэкс технологической производстванть марто, кортавсть республиканть туртов лекарствань средстватнень рамамонь кевкстематне, улить арсемат ладямс истямо производства Мордовиясояк. «Минек ули эсенек фармацевтической предприятия, республиканть доноронь покш потенциалозо», – мерсь Мордовиянь шумбрачинь ванстомань министрась Олег Маркин.
Истя жо ютавтовсь вастовома «Горизонт» холдингень – бытовой техникань производителенть, «Красносельскстройматериалы» ОАО-нь, нолды RDF-уштомапель, Брестэнь электроламповой заводонь ды «Полимерконструкция» УП-нь руководстватнень марто.
«Горизонт» компаниянь представительтнень марто кортынек Мордовиясо пластмассасто корпустнэнь производстванть коряс. Те ней эряви сынст туртов, минек истят производстват уш улить, - тешкстызе вице-премьерэсь Батыр Эмеев. - Брестской электроламповой заводонть – минек «Лисма» светотехнической заводонь аналогонть – марто вастовомасонть кортамось мольсь промкооперациянть виевгавтомадонзо, вейсэ карматано арсеме, кода тень топавтомс».
«Опытэнть, конань пурнызь Белоруссиянь коллегатне, минь бажатано нолдамс тевс эсенек кедьсэ – те токши кудотнень строямонть, проектированиянть, промышленной строительстванть, – мерсь вице-премьерэсь Инсаф Хайруллин. – Невтемакс, мельстусь альтернативной уштомапелень теемань технологиясь, конась лезды цементэнь производительтненень киртямс эсь продукциянь себестоимостенть. Мельстусь коллегатнень опытэст водоснабжениянь ды водоотведениянь объекттнэнь тееманть коряс – весень тень мереви нолдамс тевс республикасонтькак».
«Развитие» суликань компаниянть марто ютавтынек вастовома Белоруссиянь коллегатнень марто, – евтнесь МР-нь промышленностень, наукань ды од технологиятнень министрась Игорь Губайдуллин. - Минек арсеви топавтомс медицинань суликань коряс производстванть светотехникань теевиця индустриальной парконтень кельгстямонь коряс инвестициянь проектэнть. Кортынек коллегатнень марто вейсэнь вастовоматнеде, опытэнь максомадо. Теде башка, зярыя минек предприятиятне течи якасть «БелАЗ» предприятиянтень. Истя жо ютавтовсть вастовомат строямонь материалтнэнь производительтнень марто».
Мордовия Республикань Прявтонь пресс-службась